II Vateshalonika 1:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

II Vateshalonika 1:8 ပူးပေါင်းရင်းမြစ်များ

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Nshuwau 3:19

Ukumu yo ni ai: lilangadyo lindida mushilambo kutwala vanu kunagwaledya shii kuleka lilangadyo mwaa vitendo vyave vivele vyakunyata.

Nshuwau 8:19

Vanavo kutwala kumudya, “Tatako jo avelé kwashi?” Yesu kushidoni, “Mwenu nangu hamungumanyite na ata Atata hamummanyite momo. Leka mùngumanyite ata Atata mukanimmanya.”

Vitendo 6:7

Nadoni lilove lya Nnungu lishindaandavala; pa Yelusalemu vakwoda vashindaanjandyeka na vakulangalalela-shadaka voe vashindaigwilila likulupililo.

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

Valoma 10:16

Kanji i uti vaigwilíla ntenga wambone mwaa Ishaiya ankushidoni, “Umu, da nyani ákulupidile dyabali dyetu?”

Valoma 15:18

Mwenu, hangunalyalaveka shinu kutangola shoeshoe pashikava ashilá shatandile Klistu Yesu kwaindila yangu yakuvaidanavo vamidi mukwigwilila; kwalilove na kwashimadengo,

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Valoma 6:16

Mwenu hamumanyite do, mukalijaula kwamunu kenga mmatumwa mmakwigwilila, mwiu mundava mmatumwa wamunu aju wamumwigwilila kwali kwalidambi liidanavo kupela kwali kwakwigwilila kwidanavo ishaliya.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

II Vakolintu 10:5

Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

Vagalata 3:1

Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

Vagalata 4:8

Mwiu, pamukashimmanya Nnungu, mushitandegwa vatumwa va avalá kwamavalelo havanava shinu vannungu

I Vateshalonika 4:5

i kwakunshanona ntima kwaushapu kenga vamidi vákammanyite Nnungu.

Vabalaniya 10:27

kanji ni kulindila ukumu yakujowa na moto utikinyúla ulóta kuvamalidya avalá vampínga.

Vabalaniya 10:30

Mwaa tunimmanya aijá atédoni, “Kulipilila ni kwangu nangu; nangu ndalipilila.” Kutwala kavili kushidoni, “Umu andavaukumu venentete vake.”

Vabalaniya 11:8

Kwalikulupililo Abulaamu andíigwilila paukile ndashamegwa kuka kulyutu lyaukile ndalivikila Nnungu kumupa kenga maleko pakamanya kwashi kwashuka.

Vabalaniya 12:29

mwaa “Nnungu wetu ni moto utikinyúla.”

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

I Patulu 1:2

munditandalegwa kwodananavo mwamanyilile kaladavo Nnungu Atata na munkutandegwa mmakwilimyanga kwaindila ya Imumu pakulota mumwigwilile Yesu Klistu ámyayangidile myadi vyake. Umonyo na amani vyanjadyeke kwenu mwenu.

I Patulu 3:6

kenga Shalaa ashindamwigwilila Abulaamu na kunshema kuva nang'olo wake. Kwake nae ko, mwenu mundava mmanavake ikava kenga mundatandedya wambone na mukanajopa mitishango.

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?

II Patulu 3:7

Kuwa na pai vyo vipagwíte ambi apa, vyanavo vindikondyegwa kwaindila yoyo yalilove; vindikondyegwa pakulota vitaigwe moto muliduva lyaukumu na lyakubamolegwa kwa avalá vákave Nnungu.

Yudashi 1:7

Kenga mwaivalaléle makaja a ku Shodoma na Gomola na makaja ashitanono, anavo ankuva kenga mpano washaushanga shamoto úkamalilika; venentete vandílipalakedya muvyakulauka na kuvingilidya malotelo ákavele ashivalakwelo.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 6:10

Vovo vo, vashindatangadikanga pashanya po vaashidoni, “Da mpaka duvani wako Umu Wakwilimyanga na Waumwiu undatimatimanga kuvaukumu na undavalipisha vanu vanáma mushilambo kwamwaa wamyadi vyetu wetu?”