II Vakolintu 8:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ vatujugwangila kwakutukanyalidya vapate paida yakuliinjidyanga mukuvapwashela vakwilimyanga.

II Vakolintu 8:4 ပူးပေါင်းရင်းမြစ်များ

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Malukushi 14:7

Mwenu ngwengwe munkupagwa pamo na vákavele pashinu; mukalota munkuulula kuvatandela wambone wakati woewoe. Napane nangu hangupagwa ngwengwe namu mwenu.

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 24:17

“Ling'oto lyakupita vyaka vyoe ngùvele muvilambo vinji, ni panguujite kwida pa Yelusalemu ngwidanavo lipwashalelo kwavakave pashinu muvenentetemwangu namomo ngutenda shadaka.

Valoma 15:31

pakulota dashi, nangu nguposhegwe kwa avalá vákaigwilila vavéle ku Yudeya na pakulota utumika wangu ku Yelusalemu witikilike na vakwilimyanga

I Vakolintu 16:1

Napanelo kwaing'ano yamishango kwavakwilimyanga, kenga mo mwangulamulidile maganisha a ku Galata, namwenu momo tenda.

I Vakolintu 16:15

Napane ninkunnaililila mmanung'unumunu, mwenu mundimanya shana kenga unalikola umwe Eshitepanashi, vanavo ni vyepo vitandi ku Akaya na vandilijaula mukuvatumika vakwilimyanga.

II Vakolintu 9:1

Mwenu, kwaing'ano yakuvatumika vakwilimyanga haivakidile nimwandikile.

Vagalata 2:10

ila hatunavalivalile vákave pashinu, ni shinu shanguvikidile namene kuntima na kutandedya.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.