II Vakolintu 8:3 - Ibibiliya mu Shimakonde Imbodi Yaambi na dimbande dya Imbodi Yakala

³ Mwaa ninkumya ushuda kenga vanavo kwamalotelo avo vo vene, vandyumya kwodananavo lyululilo lyave na ata mpaka kupunda apo

II Vakolintu 8:3 ပူးပေါင်းရင်းမြစ်များ

Malukushi 14:8

Nae atandilé shaulwile. Apakilé kaladavo mauta mumili wangu apanganianga mashiko angu.

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Valoma 10:2

Mwenu, nangu ninkumya ushuda kwavanavo kenga vankuvanavo dukuduku kwa Nnungu kanji dukuduku yave hainava shinu yalimanyilo

I Vakolintu 16:2

Muliduva litandi lyaishumana, kula munu pakati penu inimmaikila aapule isemu imo akondye kulingana na ashilá shapata pakulota hamunatende nshango wakati nangu ngùwikile.

I Vakolintu 9:17

Mwaa ndikavalanganga na malotelo angu nimwene, ninkuvanavo lidaka kanji napane ndikavalanganga kwabila malotelo angu, mpaka ambi ndikulupiligwa kushunga.

Vagalata 4:15

Napanelo kwalaligwa kwenu ko kuvé pashi? Nangu ninkumya ushuda kenga muwakati aulá leka yùlulike mukandyushanianga mevo enu kutwala kungupa nangu.

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vakoloshu 4:13

Kwake nae ninkwing'a ushuda kenga nae ankutenda namene dimongo kwamwaa wenu mwenu na kwa avalá vapágwa ku Laudisheya na ku Ielapolishi.

I Vateshalonika 2:8

amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.

Pilemoni 1:14

Napane kwabila kukubali wako nangu hangulatile kutenda shoeshoe kwambangidya wambone wako haunave wakukuungila kanji uve wakulota gwegwe umwene.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

I Patulu 5:2

shunga shipinga shavangandolo vake Nnungu shavankamudidye: mwenu, laledya shanavo i kwakuvakanyalidya kanji kwamalotelo ambone kenga mwalatela Nnungu na ata i kwaditamaa dyanjuluku kanji kwadukuduku yakutumika;