II Vakolintu 4:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

II Vakolintu 4:4 ပူးပေါင်းရင်းမြစ်များ

Mateu 13:22

Imbeju igwilidíle padimiva ni munu áigwilila lilove kanji mangaikangilo awakati au pamo na lung'unuku lwamali, avyo vindáshinya lilove kutwala nae mene kupa vyepo.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Nshuwau 12:35

Yesu kushidoni, “Muwakati padyoko lilangadyo lindapagwa pakati penu. Nadoni wena po pamuvenavo lilangadyo apa kwambangidya shii hashinanshushuwange. Aijá ánawena mushii, hanamanya kwashi kwauka.

Nshuwau 12:40

“Mevo ave andivaputadya, mitima vyave andivananopya, pakulota havanalole na mevo na ata mmitima vyave havanaananalele kutwala kushiliuka na nangu kuvaponia.”

Nshuwau 12:45

Ángwona nangu, ankumwona aijá ángutumididye.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 16:11

kwaukumu mwaa nkútawala washilambo ashi andyukumigwa.

Nshuwau 8:12

Yesu andítangola kavili na vanavo kushidoni, “Nangu ni Lilangadyo Lyashilambo. Munu woewoe ángwoda nangu hawena shinu mwiko mushii, ngwengwe andavanavo lilangadyo lyashingumi.”

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Vitendo 26:23

doni, Klistu inimmaikila auvauvange na àvele ntandi mukudyuka kwavakupela, andavalanganga lilangadyo kwavenentete vetu namomo kwavamidi.”

I Vakolintu 10:20

Mene! Ngulota kushidoni, ashilá shavaumya, vavaumidya vandamoni i Nnungu. Doni, hangunalota shinu mwenu muke mukave mmakuliinjidyanga na vandamoni.

II Vakolintu 2:11

kwambangidya dashi, Shatwani hanatupate kwaujanja wake mwaa hatunatikinanga shinu milugu vyake.

II Vakolintu 2:12

Mwenu, panguwikile ku Tolowashi pakulota nguvalangange ntenga wambone umwe Klistu, ata ikava kenga Umu aningushimulila nnango,

II Vakolintu 3:11

Mwaa ikava kenga ashilá shíshilambaleka shivénavo lishangelo, kushi ashilá shíkamalilika sho, hashuumbaligwa lishangelo!

II Vakolintu 3:14

Kanji ding'anong'ano dyave dindinanapegwa mwaa ata mpaka nelo inguvo yoyo inkupagwa paishomegwa imbodi yakala. Yanavo indáushika bai nkati mumwe Klistu.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Vaepeshu 6:12

mwaa ing'ondo yetu hainava shinu yakupingana na munu kanji ni kupinga dimongo dyautawala, kupinga dimongo dyamadalaka na kupinga dimongo dyamushilambo uti mushii ashi shawakati au, kupinga dimongo dyadimumu dyaukalau mumautu akuwa.

Vapilipo 2:6

Nae, ata ikava kenga mumavalelo ave Nnungu, hagwene yakulinganana na Nnungu kuva shinu shakung'ang'anikila

Vakoloshu 1:15

Nae ni ing'ope ya Nnungu ákaaneka, ntandi kuvalekwa waviumbi uti

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

I Timoti 1:11

mapundisho lo aodánanavo ntenga wambone walishangelo lyake Nnungu wakutumbyangilika, ntenga wowo wangukulupilike nangu.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 6:4

Mwenu, hayululika kwa avalá ve vapatíle lilangadyo, valingíle inudyo yakuwa, valiinjidyénge mu Imumu Wanashwe,

II Patulu 1:19

Nadoni pashanya avi, tunkunanopa namene nkati mulilove lyavakulava kenga ikalaboi ilangádya pashii, namwenu momo tandedya mwigwa shana mpaka wiku paulota kulangala na palilota kuma lyalosho mmitima vyenu.

I Nshuwau 2:11

Kanji aijá ámmangedya nung'unumunu ankupagwa mushii na ankuwena mushii. Nae hanamanya shinu kwauka mwaa shii shinimputadya mevo.

I Nshuwau 2:8

Ata ivedavo, ninkumwandikila lilamulo lyaambi ashilá shiu nkati mwake na mwenu mwaa shii shinkuka shilambaleka na lilangadyo liu tayali linkulangala.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.