II Vakolintu 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Da doni po tunkutunduvanga kavili kulitumbyanga wewe tuvene? Kwali kenga vanji tunkulota ibalugwa yamalailililo kwenu kwali kwaloka kwenu?

II Vakolintu 3:1 ပူးပေါင်းရင်းမြစ်များ

Vitendo 18:27

Napanelo Apolu pakumbukidile kwamboka imanga kuka ku Akaya, vanung'unumunu vanínnonowanga na vandyándika ibalugwa pakulota vakwoda vakwanavo, vampwashalele. Kuwika kwake Apolu ku Akaya nae andívapwashela namene avalá ve vakulupidíle kwaindila yaumonyo

Valoma 16:1

Ninkuntumbyangidya kwenu mwenu numbumunu Pebe ntumika waliganisha lya ku Kenkeleya

I Vakolintu 10:33

kulingana mo mwandivanagwaladyedya nangu vanu uti muuti mene kulambela paida yangu kanji yavanu voe pakulota vaambolegwe.

I Vakolintu 16:3

Napanelo muwakati wangulota kuwika, avalá vamulota kuvaungila nkono, nangu ndavatumidya na ibalugwa kwambangidya vapalakedye inudyo yenu ku Yelusalemu.

I Vakolintu 3:10

Kwodananavo umonyo wake Nnungu wangupatile nangu kenga nkúmanya-kudenga, ndivika shitunduvangilo kutwala junji ankudenga pashanya pake. Napane nnole kula munu mwadangela.

I Vakolintu 4:15

Mwenu, ata ikava kenga munkuvanavo vakunnela makumi manga nkati mumwe Klistu, hamuvenavo vatatavenu voe mwaa kwaindila yantenga wambone nangu nimmaleka mwenu nkati mumwe Klistu Yesu.

II Vakolintu 10:12

Hatunalyalaveka shinu kulivikanga kwali kulilinganianga namu avalá valitumbúdya vo vene. Pavalipima shivanavene na pavalilinganianga shivanavene, havave ding'ano.

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 10:8

Mwaa ata ikava kenga nangu ninkumamodya kulyumya shumbi kwamwaa wamadalaka etu alalá aumidye Umu pakulota kundenga i kumbamola, hangutaigwa dyoni.

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

II Vakolintu 12:19

Da mwenu mwona kenga wakati uti wetu tunkulishililidya pamevo penu? Nkati mumwe Klistu pamevo pake Nnungu ni patutangola na uti vyatutenda mmakunagwaleka ni pakulota kunnonowanga mwenu.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

II Vakolintu 5:12

I do, tunkulitumbyanga kavili kwenu mwenu kanji tunkumupa mwenu litala lyakulota mulyone kwamwaa wetu wetu kwambangidya muvenavo shakuvajang'ula avalá valyóna kwapanda i kwa ashilá shivéle muntima.