II Vakolintu 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Mwaa kutunduvangila mmauvilo oe na ntima ushanona nimwandikila na myodi vyoe i pakulota kuntaa shipalodi kanji pakulota mumanye kuumbaligwa kwalinagwaledyo lyanguvenavo kwenu mwenu.

II Vakolintu 2:4 ပူးပေါင်းရင်းမြစ်များ

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 2:9

Ni kwashabaa ai, nimwandikila mwenu pakulota nintende nningo wakummanya kenga kwali muvinu uti, munkuva mmakwigwilila.

II Vakolintu 7:12

Nadoni ata ikava kenga nimwandikila haivéle kwamwaa umwe aijá ámwanadile muje na ata i kwamwaa umwe aijá wavamwanadile kanji pakulota mwemwe mmene muulule kwanalela dukuduku yenu kwetu wetu pamevo pake Nnungu.

Vapilipo 3:18

Mwaa voe vanishimwaulila myanda vyoe na vandimwaulila ambi apa kwamyodi, vankunama kenga vammongo wanshalaba umwe Klistu.