II Vakolintu 13:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Tunkushwali Nnungu napane kwambangidya dashi, mwenu hamunatende wakunyata woewoe i pakulota twaneke kenga tukubaligwe kanji kwambangidya mwenu mutandedye wambone ata ikava kenga wetu tunkwaneka kenga túkakubaligwe.

II Vakolintu 13:7 ပူးပေါင်းရင်းမြစ်များ

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

II Timoti 4:18

na Umu ananguposha muvinu uti vyakunyata na anangutwala ngùvele nimumi kwautawala wake wakuwa. Kwake nae lipagwe lishangelo ngwengwe ngwengwe. Ame.

II Timoti 2:15

Likanyilidye ulilodye shana pamevo pake Nnungu kenga mmádengo ákubaligwe akang'ana shalowa lilove lyaumwiu.

I Timoti 2:2

kwavaumu na kwauti avalá vavénavo madalaka pakulota tuname shinamidyo shaamani na shakutulila nkati mukunjopa Nnungu na ishima uti.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Vapilipo 4:8

Kumwisho akune mmanung'unumunu, vyoevyoe uti vyaumwiu, vyoevyoe vyaishima, vyoevyoe vyaishaliya, vyoevyoe víkave ushapu, vyoevyoe vyakwalala, vyoevyoe vyashimbili na ikava kenga vipali vivaikidíle kutumbyanga, vinu avyo vikila kuntima.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

II Vakolintu 13:9

Mwenu, tunkupuwanga patudabadabanga, mwenu muvanavo dimongo. Kushwali kwetu ni kulota mwenu mudyuwangigwe.

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 10:10

Mwaa vanji vankushidoni, “Dibalugwa dyake dinajowa na dyadimongo kanji mavalelo ake amili akudabadabanga na shitangodi shake shakulidyuka.”

II Vakolintu 8:21

Mwaa tunkwangaikangila ashilá shashalowa i gweka pamevo pamwe Umu kanji namomo pamevo pavanu.

II Vakolintu 6:4

Leka apo, nkati muvinu uti tunkulilodya kenga tuvatumika vake Nnungu, nkati mukulipililila kwoe, mumauvilo, muwou, muvyakujowa,

I Vakolintu 11:19

mwaa indivaikila vipagwe vipinga pakati penu pakulota vakukubaligwa pakati penu vamanyike.

Valoma 16:10

Mupe nandele Apeleshi munu ákubaligwidye nkati mumwe Klistu. Vape nandele valikola limwe Alishitobulu.

Valoma 13:13

Tuname muvaikidíle kenga tuvanu túwena mui, i nkati mukululuka na kwambalwa, i nkati mukulauka na ushapu, i nkati mumagombi na ing'ou.

Valoma 12:17

Hamunalipe wakunyata kwawakunyata. Lambela kutandedya wambone pamevo pavanu uti.

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

II Vakolintu 13:6

Ninkulindila doni, mwenu po mundamanya kenga wetu nningo hatukawidye.

II Vakolintu 13:8

Mwaa hatuulula kutenda shoeshoe shipingánanavo umwiu kanji tunkutenda uti kwaupande waumwiu.