II Vakolintu 11:3 - Ibibiliya mu Shimakonde Imbodi Yaambi na dimbande dya Imbodi Yakala

³ Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

II Vakolintu 11:3 ပူးပေါင်းရင်းမြစ်များ

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

II Vakolintu 11:20

Mwenu munkulipililila ata mpaka munu akamuukanavo muutumwa, kwali akanshonda, kwali akankangola, kwali akankoma malatuma.

II Vakolintu 11:29

Wakwashi ádabadabenge pandikadabadabenge nangu? Wakwashi wavantadidye agwe paikangupwateke nangu muntima?

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

Vagalata 1:6

Napanelo nangu ninkunshanga mwenu mwaa muwakati ungwipi tu mundimwambukanga aijá ánshamile mupagwe muumonyo wake Klistu kutwa kwoda ntenga wambone unji.

Vagalata 2:4

Ing'ano ai ishashambwike na vanung'unumunu vakushang'apa vainjidíle na malotelo ashipiipii. Vanavo vandílijalanianga kwida ndapalalesha unaiti wetu watuvenavo nkati mumwe Klistu Yesu kwambangidya vatuukenavo muutumwa.

Vagalata 3:1

Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

Vagalata 4:11

Ninkunjapangila mwenu, inkulukika shimadengo shaninkalalele mwenu sho, kuva shamonyo.

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vaepeshu 4:22

kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Vakoloshu 2:4

Avi ninkumwaulila pakulota hanapagwe munu wakunduwanga na malove akuutila

Vakoloshu 2:8

Lilaledye, hanapagwe munu wakuntwala mateka atumila mang'amung'amu na kushang'apa kwamambinya kwodananavo mavalelo ashimunumunu na dimumu ditawála shilambo ashi kanji i kwodananavo Klistu.

I Vateshalonika 3:5

Napavedoni kwaupande wangu nangu pandikalipililidile kavili nditumidya ngumanye ing'ano yalikulupililo lyenu nakapanji aijá nkútubya kwadindila dyoedyoe anintubya kutwala shimadengo shetu kuva shamonyo.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

I Timoti 2:14

Namomo Adamu haukile ndaduwangiligwa ila nkongwe paduwangiligwe andigwa mulidambi.

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

Titu 1:10

Mwaa vavé voe vakupinga, vakutangalanianga na vakuduwanga kupunda namene vashipinga shakukumuligwa likumbi.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

II Patulu 3:17

Mwenu mmakunagwaleka pakuva shinu ashi mundimanya kaladavo, lishunge kwambangidya hamunatwaligwe mushinamidyo shakunyata shavanu vanáma muungave-lilamulo na ata hamunaleke kunjaika kunanopa kwenu kutwala kugwa kenga vanavo

II Patulu 3:3

Shitandi manya doni, mumaduva amwisho vandaumilila vakuliula valóta kupita vanniula vaodedya malotelo ave vo vene

I Nshuwau 2:18

Mmanavangu, au ni wakati wamwisho. Mo mwamwigwididye kenga mmongo wake Klistu andaida, bai vamongo voe vamwe Klistu vandyumilila tayali, napavedoni tunkumanya kenga au ni wakati wamwisho.

I Nshuwau 4:1

Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

Maono 12:15

Napanelo nyoka aijá nkanywa mwake andítapika medi kenga lundi kupita lumwoda nkongwe kwambangidya lupite lunjola na dimongo.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;