II Vakolintu 1:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Paulu, myombe umwe Klistu Yesu kwalilotelo lyake Nnungu namu nung'unumunu Timoti kwaliganisha lipágwa ako ku Kolintu pamo na vakwilimyanga uti vapágwa disemu uti dya ku Akaya.

II Vakolintu 1:1 ပူးပေါင်းရင်းမြစ်များ

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

Valoma 15:26

Mwaa ku Makedoniya na ku Akaya indivanagwela kutenda nshango kwamwaa wavakave pashinu pakati pavakwilimyanga va ku Yelusalemu.

Valoma 16:21

Timoti mmádengomwangu ankuntumidya nandele, namomo Lushiu, Yashoni namu Shoshipatulu valikola lyangu.

Valoma 16:5

Nandele lipate momo liganisha likadyánia paing'ande yave. Mupe nandele Epenetu wakunagwaleka wangu shepo shitandi kumwe Klistu ku Ashiya.

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Vakolintu 16:10

Paida Timoti po, mwenu ntadye nae aligwe shana pakati penu mwaa jojo jo, ankukola madengo ake Umu kenga nene.

I Vakolintu 16:15

Napane ninkunnaililila mmanung'unumunu, mwenu mundimanya shana kenga unalikola umwe Eshitepanashi, vanavo ni vyepo vitandi ku Akaya na vandilijaula mukuvatumika vakwilimyanga.

I Vakolintu 16:24

Linagwaledyo lyangu lipagwe namu mwenu uti nkati mumwe Klistu Yesu. Ame.

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

II Vakolintu 1:19

Mwaa Mwana wa Nnungu, Yesu Klistu ávalangangiligwe pakati penu kwaindila yetu, nangu, Shilivanu namu Timoti, haivele “Elo” namomo “Mene” kanji nkati mwake mo, ngwengwe muvelé “Elo.”

II Vakolintu 1:23

Napanelo ninkunshema Nnungu kenga nshuda kwaupande wangu; ivele nimmikile shitete shanikaidilile nangu ku Kolintu.

II Vakolintu 11:10

Kwoda umwiu umwe Klistu unkupagwa nkati mwangu, kulyumya kwangu aku shumbi hapali wakumaladya isemu ya ku Akaya.

II Vakolintu 9:2

Mwaa ndimanya kutumbama kwenu, shinu shangulyumidya shumbi kwavamakedoniya ndivaulila doni, tangu mwaka upitíle vaakaya vanavo vavelé tayali na dukuduku yenu inkuvaimulanga voe.

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

I Vateshalonika 1:1

Paulu, Shilivanu namu Timoti kwaliganisha lyavateshalonika lìvele nkati mumwe Nnungu Tatamunu namu Umu Yesu Klistu. Umonyo upagwe kwenu mwenu pamo na amani.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

II Vateshalonika 1:1

Paulu, Shilivanu namu Timoti, kwaliganisha lyavateshalonika lìvele nkati mumwe Nnungu Tatagwetu namu Umu Yesu Klistu.

I Timoti 1:1

Paulu, myombe umwe Klistu Yesu kwalilamulo lyake Nnungu Mwamboli wetu pamo namu Klistu Yesu lilindilililo lyetu,

II Timoti 1:1

Paulu, myombe umwe Klistu Yesu kwalilotelo lyake Nnungu kwakwodanavo kulivikila kwashingumi shipagwíte nkati mumwe Klistu Yesu,

Titu 1:1

Paulu, ntumwa umwe Nnungu na myombe umwe Yesu Klistu kwaupande walikulupililo lyavakutandalegwa na kwakumanya umwiu kulingananavo kunjopa Nnungu,

Pilemoni 1:1

Paulu, nkúngwa kwamwaa umwe Klistu Yesu pamo namu nung'unumunu Timoti, kumwe Pilemoni mmádengomwetu wakunagwaleka

Vabalaniya 13:23

Ninkulota nimmanyiye doni, nung'unumunu Timoti tayali vanimuungula nkalaboshi. Ikava kenga nae andawikinneu apa, nangu ndaida kwenu nannola pamo namu nae.