II Timoti 4:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

II Timoti 4:8 ပူးပေါင်းရင်းမြစ်များ

Mateu 24:36

“Napane liduva lyene lyo na isaa, hapali ámanyite, ata vanjelo kuwa havamanyite, ata Mwana hamanyite ila ámanyite ni Atata bai.

Mateu 7:22

Muliduva alyo vanu voe vanangwaulila doni, ‘Umu, Umu! Da wetu palina lyako hatulavile, palina lyako hatukumulenge majini na palina lyako hatutandile vyamakango vyoe?’

Lukashi 10:12

Ninkumwaulila doni, muliduva lyaukumu venentete va ku Shodoma vandapata shaushanga shaangolo kuvapunda vanu valikaja alyo.

Valoma 2:5

Kanji kwoda mwaa waimbeve yako na kunanopa kwantima wako, bai unkulikungailila shitundi gwegwe umwene muliduva alilá lyashitundi pailota kulilodya ukumu yaishaliya yake Nnungu.

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

I Vakolintu 2:9

Kanji kenga indyandikigwa, “Víkagwene mevo, ata víkaigwite lyatu na ata víkakumbukiligwe muntima wamunu, ni vyovyo vyapanganienge Nnungu kwa avalá vannagwalédya;”

I Vakolintu 3:13

shimadengo shakula munu shindaaneka mwaa Liduva alyo lindalodya ngala. Doni, shindaunukuligwa kwamoto na wo moto wo, undatenda nningo wainamuna yashimadengo shakula munu.

I Vakolintu 9:25

Uti avalá vánaliinjidyanga mumashindano, vanavo vandálilaledya muvinu uti. Kwavanavo, vankutenda davo vapate lidaka litimbikánga napane wetu tutenda pakulota tupate líkatimbikanga.

II Vakolintu 5:2

Mwaa tùpagwite mwiyema ai, tunkuula tulindila na mweshe ukumene kutugwadya ing'ande yetu yakuwa

Vapilipo 3:11

pakulota kwadindila dyoedyoe nguulule kuwikila kwangupata kudyuka pakati pavakupela.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

I Vateshalonika 5:4

Kanji napane mwenu mmanung'unumunu hamunapagwa shinu mushii kwambangidya liduva alyo halinampatikaniange kenga nkwíva

II Vateshalonika 2:8

Bai apo andaaneka waungave-lilamulo aijá walota kuntimbanga Umu Yesu kwaimepo yankanywa mwake na kummalidya kwakuumilila kwakwida kwake.

I Timoti 6:19

Vakatenda davo, vandalikungailila mali vo vene kenga shitunduvangilo shambone shawakati ulóta kwida kwambangidya vakamulile ashilá shingumi shiu.

II Timoti 1:10

napane undililodya kwakuumilila kumwe Mwamboli wetu Klistu Yesu. Kwaupande unji nae andimalidya kupela, kwaupande unji mulilangadyo kwidanavo shingumi na ungapela kwaindila yantenga wambone,

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Timoti 1:18

Umu amupe litala lyakupatila shididi shaalakéla kumwe Umu muliduva alyo! Wako undimanya shana uti mwangutumikidile nae akulá ku Epeshu.

II Timoti 2:5

Namomo aijá átenda mashindano akutukuta hapata lidaka akanatandedya mashindano aodedya mulatéka.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 12:11

Kuduma uti hakunanagwaleka pavaduma ila shiva shipalodi kanji napane ling'oto lyakuduma, vipatikananga vyepo vyaishaliya na amani kwa avalá vaukíle ndalinguligwa.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

I Patulu 1:4

na maleko ákatimbikanga, aungave-udagwa na ákadingala avakandidye kuwa kwamwaa wenu.

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Maono 19:11

Bai nindyóna kuwa kushimwike, mwe! Napane ndímwona punda wanashwe, aijá ánkwadile punda vashinshema Wakukulupilika na Waumwiu. Nae ankuukumu na kutenda ing'ondo kwaishaliya.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 22:20

Aijá áumya ushuda wavinu avi ankushidoni, “Elo ninkwida ambi popa.” Ame. Ida Umu Yesu!

Maono 4:10

vanang'olo ishilini na nsheshe avalá vandáguguvalanga mpaka vyenye kundondya pai pamevo pamwe aijá áikele pashiteng'u, valipudya kwa aijá ánama ngwengwe ngwengwe na vavika madaka ave mushu shiteng'u vaashidoni,

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.