II Timoti 4:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Nditenda ing'ondo yambone, ndimalila mashindano, ndishunga likulupililo.

II Timoti 4:7 ပူးပေါင်းရင်းမြစ်များ

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

Lukashi 8:15

Kanji imbeju igwilidíle paulongo wambone inkwitika kuva vanu vánatenda vakaigwa lilove lya Nnungu kuvikila kuntima wiu na kupa vyepo kwaindila yakulipililila.

Nshuwau 17:6

“Nangu nditadya lina lyako limanyike kwa avalá vaungupele mushilambo amu. Vovo vo, vavelé vako kutwala wako kungupa nangu na vanavo vankwigwilila lilove lyako.

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Vitendo 13:25

Napanelo Nshuwau àvele pepi na kumalila shimadengo shake, andívaudya vanu doni, ‘Da mwenu nangu mungwona kuva nyani? Nangu hangunava shinu aijá wamunnindila. Kanji ling'oto lyangu nangu, ankwida aijá wandikavaikidile nangu kumuulanga vilatu.’

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vapilipo 1:30

muvanavo ing'ondo yoyo yamungugwene ngutenda na ata ambi apa munkwigwa kenga ninkuka mushu ngutenda.

I Timoti 1:18

Lilailililo ali ninkukukamudya mwanangu Timoti kwodananavo malavilo atangaléke kwamwaa wako kwambangidya dashi, kwaindila yaanavo utende ing'ondo yo yambone

I Timoti 6:12

Tenda ing'ondo yambone yalikulupililo. Kamulila shingumi shíkamalilika ashilá shavakushamalele sho shaulyawile pamevo pamashuda oe.

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

II Timoti 1:14

Ashilá shambone shaukile ndakulupilika, shunga kwa Imumu Wanashwe ánama nkati mwetu.

II Timoti 3:10

Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Maono 3:8

“ ‘Nangu ndimanya vitendo vyako. Lola, mushu mwako ndishimula nnango wakaulula munu kushima. Ndikumanya do, ata ikava kenga unkuvanavo dimongo padyoko, undishunga lilove lyangu na hawitile lina lyangu.

Maono 6:11

Bai vandívapa kula munu ikanju yanashwe na kuvaulila valindile kavili padyoko mpaka itimile ishabu yavatumikamwagwe na yavanung'unumunu valóta kubyaigwa kenga momo mwavabyaigwididye vanavo.