II Timoti 4:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

II Timoti 4:5 ပူးပေါင်းရင်းမြစ်များ

Mateu 25:16

Bai akauma aijá ápatile ditalendu mwanu, nae akatenda nshulusho mpaka kwanjadyedya dinji mwanu.

Malukushi 13:34

Inkulinganana na munu ávenavo mwanda. Panauma pang'ande pake avapele madalaka vatumika vake kula munu na madengo ake anánnamulila nkúshunga-nnango ave mevo.

Malukushi 13:37

Vyanimwaulila mwenu avi, ninkuvaulila vanu uti kushidoni, ava mevo!”

Lukashi 12:37

Vandijaligwa vatumika avo valóta kuvakodya nang'olo wave vàvele mevo pauja. Nangu ninkumwaulila mwiu doni, nae andagwalangila pakulota avatumike kutwala kuvaikadyanga pandamu kwida ndavatumika.

Vitendo 21:8

Palyamba lyake, tundyúma mpaka pa Shashaleya. Pakaja apo, wetu tundyúka ndawikila paing'ande yake nkúvalanganga-ntenga walina Pilipo munu wamushipinga shavanu saba.

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Vaepeshu 4:11

Ni jojo ávapele vanji kuva vamyombe, vanji kuva vakulava, vanji kuva vakuvalanganga ntenga, vanji kuva vashungaji na vanji kuva vamwalimu

Vaepeshu 4:12

pakulota ivé dashi, vavapanganiange vakwilimyanga kwashimadengo shautumika kwakudenga mili umwe Klistu

Vakoloshu 1:25

Lyanavo nditadya kuva ntumika kwodananavo unashilangola wake Nnungu wangupele kwamwaa wenu pakulota kuwisha popo lilove lyake Nnungu,

Vakoloshu 4:17

Mwaulile Alikipu doni, “Angaikangila utumika waupatile nkati mumwe Umu pakulota ukawishe popo.”

I Vateshalonika 5:6

Napavedoni hatunalale kenga vanji kanji tuve mevo na tuvakulipanga

I Timoti 4:12

Hanapagwe wakukwiludyanga kwamwaa wakuva wako unnemba kanji ava mpano kwavakukulupila mukutangola, mushinamidyo, mulinagwaledyo, mulikulupililo na muungave-ushapu.

I Timoti 4:15

Tandedya vinu avi, pagwa nkati mwake pakulota likulumukililo lyako lyaneke kwavanu uti.

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

II Timoti 2:3

Liinjidyange mumauvilo kenga mwíng'ondo wambone umwe Klistu Yesu.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

I Patulu 1:13

Napavedoni mulingangashela muding'anong'ano dyenu, muva mevo vika lilindilililo lyenu muumonyo aulá wavalota kunyukatila mwenu muwakati walota kulilodya Yesu Klistu.

Maono 3:2

Ava mevo! Nonowanga avilá vibakidíle mushingumi vikanava kupalela uti mwaa muvitendo vyako mo, ndilola hashipali shilinganéne pamevo pa Nnungu wangu.