II Timoti 3:3 - Ibibiliya mu Shimakonde Imbodi Yaambi na dimbande dya Imbodi Yakala

³ vákave linagwaledyo, vákadumika, vakung'wenya, vákalilaledya, vakukalipa, vákalota wambone,

II Timoti 3:3 ပူးပေါင်းရင်းမြစ်များ

Mateu 10:21

“Nung'unumunu anannimya nung'unumunu pakulota vampedye. Tatamunu anannimya mwanamunu. Vana vandavatenda ing'ondo vatatamunu na kuvabyaa.

Mateu 4:1

Napanelo Imumu aníntwala Yesu kumuukanavo kushimbweshe pakulota atubigwe namu Ndamoni.

Lukashi 10:16

“Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Nshuwau 6:70

Yesu kuvajang'ula kushidoni, “Da nangu hanintandwele mwenu kumi na mbili? Bai munu jumo pakati penu ankuva Ndamoni.”

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

Valoma 1:31

vajinga, vákakulupilika, vákanagwaledya na vákave shididi.

I Vakolintu 7:5

Hamunaimane aki yenu kwali paikava yakwigwania muwakati padyoko pakulota muliikiniye mukushwali. Ling'oto imang'ananga kavili pakulota Shatwani hanantubye kwamwaa wakumwova kulishunga mwemwe mmene.

I Vakolintu 7:9

Kanji vakanalyulula kulishunga kudyanga valombe mwaa kudyanga kulomba kuliko kukushanona mweshe muntima.

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.

I Timoti 3:11

Nimumo momo vadyavave indivavaikila vave vaishima, vákang'wenya, vapole na vakukulupilika muuti.

Titu 1:8

Kanji nae ave munu wakukalibisha, wakunagwaledya wambone, wading'ano, waishaliya, wakwilimyanga na wakulilaledya

Titu 2:3

Nimumo momo vakongwe vaulinga vavenavo shinamidyo shoodánanavo kunjopa Nnungu i vaushaka na ata vapagwa muutumwa waugwalwa kanji vave vakupundisha wambone

Tiyagu 2:6

Kanji mwenu munkumwiludyanga mmashikini. Da havanava shinu matajili vannivatíla na kumbulusha vamuukanavo kulibengi?

II Patulu 2:14

Mevo ave andyumbala kulavalava ákadoba kutenda lidambi. Vanavo vankuvashomba avalá vákananwepe muungumi. Mitima vyave vindilipanganianga kwalung'unuku. Vovo vo ni vana vakulanigwa.

II Patulu 2:19

Vanavo vankulivikila kuvapa unaiti kumbe vo vene vo, ni vatumwa vaudagwa. Mwaa ashilá shintamíle munu, nae ni ntumwa washinu asho.

II Patulu 3:3

Shitandi manya doni, mumaduva amwisho vandaumilila vakuliula valóta kupita vanniula vaodedya malotelo ave vo vene

Yudashi 1:16

Vanu avo vankunama vatangadikanga ngwengwe, vakashalya, vaodedya malotelo ave vo vene, vankulitapila na kutangola malove anagwaléka kwambangidya vapate paida yavo vo vene.

Yudashi 1:18

Vanavo vashindamwaulila mwenu doni, “Muwakati wamwisho vandaumilila vakuliula vawena vaodedya malotelo aungave Nnungu.”

Maono 13:15

Vandímupa lyululilo lyakupa shingumi alilá lishinamu lyalidimu ntandi. Lyolyo lyo kutwala kutangola na kutadya vabyaigwe avalá uti vákashilota kulipudya kulishinamu alyo.

Maono 13:17

kwambangidya hanapagwe wakushuma kwali wakushulusha, ila aijá ávenavo numalu walina lyalidimu kwali inamba iitíka lina lyake.

Maono 16:6

Mwaa vanavo vandijaa myadi vyavakwilimyanga pamo na vyavakulava, wako undivapa myadi vakumbile; amo ni muvavaikidíle.”

Maono 17:6

Napane kutwa kumwona aijá nkongwe àmbalwidye myadi vyavakwilimyanga na vyavanu váshumya ushuda umwe Yesu. Paningwene, ngujeeme vila.