II Timoti 2:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

II Timoti 2:9 ပူးပေါင်းရင်းမြစ်များ

Lukashi 23:32

Namomo vandívatwala vanu vavili vanji vavele vakalau kuvaukanavo ndavapedya pamo namu Yesu.

Vitendo 21:33

Bai nang'olo nkumene wavaing'ondo aijá anímmandika Paulu kutwala kumwaulila kenga avele mmakono mwashilikali na andílamulila vamunge mang'unyang'unya mavili kutwala kudya, “Da munu aju nyani na atandilé nyamani?”

Vitendo 28:31

avalanganga utawala wa Nnungu na apundisha uti vimwámba Umu Yesu Klistu kwantima shii uti na kwabila kundingadinga shinu.

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vapilipo 1:17

Vanji vo, vankummalanganga Klistu kwamashindano; vanavo havanakulupilika shinu valota vangutindinganiange mukungwa kwangu.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vakoloshu 4:18

Nangu Paulu ninkumwandikila nandele aju na nkono wangu nimwene. Kumbukila mang'unyang'unya angu. Umonyo upagwe kwenu mwenu.

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.

I Vateshalonika 1:8

Mwaa kutunduvangila kwenu mwenu lilove limwe Umu lindilipuka ku Makedoniya namu ku Akaya i gweka avi kanji likulupililo lyenu kumwe Nnungu lindyandavala mudisemu uti. Nadoni hashipali shakuvalanganga

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Timoti 1:16

Umu alodye shididi shake paing'ande imwe Oneshipolu mwaa myanda vyoe aningutaa dimongo na yakungwa yangu, haanenge dyoni,

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

II Timoti 2:3

Liinjidyange mumauvilo kenga mwíng'ondo wambone umwe Klistu Yesu.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 2:14

kwali vananangalaledi vamajimbo, vo vatandalégwa namu nae kulota kuvapa shaushanga avalá vatandédya vyakunyata na kuvapa ishima avalá vatandédya wambone.

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.

I Patulu 4:15

Hanapagwe pakati penu munu wakulota kuvauvanga kwamwaa wakuva nkúbyaa, nkwíva, nkalau kwali álijalanianga mumyaa vyavanu vanji.