II Patulu 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Mmakunagwaleka, ai apa napanelo ni ibalugwa yambili yanimwandikila. Mudibalugwa adi uti mbili ninkulota ngukang'ele ding'anong'ano dyenu diu kenga kumbukumbu

II Patulu 3:1 ပူးပေါင်းရင်းမြစ်များ

Mateu 5:8

Vandyalaligwa avalá vavénavo mitima víkave ushapu, mwaa Nnungu, vanavo vandamwona.

II Vakolintu 13:2

Nangu ndivamanyiya kaladavo avalá vatagíle pamo na vanji uti namomo ninkuvamanyiya ambi apa pándikapagwite kenga mo mwandivamanyiídye mumwanda wambili pangupagwíte doni pangwida po, hanimpambedya munu

I Timoti 5:22

Haunapupange kummikila munu makono na ata haunaliinjidyange mushimadambi shavanu vanji; nanopa muungave-ushapu.

II Timoti 1:6

Ni ashi shingutádya nikukumbuwange pakulota ukang'ele shajo shake Nnungu shipagwíte kwako kwaindila yakukuvikila makono angu.

Vabalaniya 6:9

Kwenu mwenu mmakunagwaleka, ata ikava kenga tunditangola kwainamuna ai, tunkuvanavo wakika wakupagwa kumanyikanga kwavinu vipagwíte nkati mukwambolegwa.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

I Patulu 2:11

Mmakunagwaleka, kenga mmajeni na mmakwaloka, ninkunnaililila pakulota mwambukange malotelo uti ashimunumunu atandána ing'ondo na ungumi.

II Patulu 3:14

Napavedoni mmakunagwaleka, akuno mulindila vinu avi likanyalidye pakulota nae ankodye nkati mu amani, múkave lilemba na múkave likosha.

II Patulu 3:17

Mwenu mmakunagwaleka pakuva shinu ashi mundimanya kaladavo, lishunge kwambangidya hamunatwaligwe mushinamidyo shakunyata shavanu vanáma muungave-lilamulo na ata hamunaleke kunjaika kunanopa kwenu kutwala kugwa kenga vanavo

II Patulu 3:8

Mmakunagwaleka hamunalivalive shinu ashi: kumwe Umu liduva limo ni kenga vyaka alupu imo na vyaka alupu imo ni kenga liduva limo.

Yudashi 1:5

Ata ikava kenga mwenu mundilipundisha tayali, ninkulota ninkumbuwange doni Umu andívaambola venentete kushilambo sha ku Mishili kanji ling'oto andívabamola avalá vákakulupidile.