II Patulu 1:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ kwaindila yavyanavo nae andilivikila vikumene na vyamana kwetu wetu kwambangidya dashi kwaindila yavyakulivikila, mwenu muke mukave mmakuliinjidyanga mumavalelo aunnungu mùpalanyweke muudagwa upagwíte mushilambo kwamwaa wamalotelo ashimunumunu.

II Patulu 1:4 ပူးပေါင်းရင်းမြစ်များ

Valoma 9:4

Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila.

II Vakolintu 1:20

Mwaa vyo vyakulivikila vyake Nnungu vipagwíte vyo, nkati mwake nae munkupagwa “Elo.” Ni kwamwaa au watutangalela wetu kwaindila yake nae “Ame” kwaupande umwe Nnungu kwalishangelo lyake.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

II Vakolintu 6:17

Napavedoni, “Lyumadyange pakati pave, vaambukange, atangola Umu, hamunakamule shinu shishapu na nangu nampwashalela.

Vagalata 3:16

Kumwe Abulaamu kulivikila kunditangaleka; kutangaleke kwake nae namomo kwaudukulu wake. Nnungu hanatangola shinu doni, “kwavadukulumunu” kenga avamba vanu voe ila amwamba munu jumo doni, “kwandukuluvo” yani Klistu.

Vagalata 6:8

Álota kupanda kwashimunumunu, vyashimunumunu andapuna; napane álota kupanda kwa Imumu, andapuna shingumi shíkamalilika.

Vaepeshu 4:13

mpaka uti tuwikile muupamo walikulupililo na walimanyilo lya Mwana wa Nnungu; doni, mpaka tukave tuvanu tuvakukamala túwikidile shipimo shashilinga shaumbala umwe Klistu

Vakoloshu 3:10

kutwala kungwala munu waambi ádyuwangidya kavili nkati mulimanyilo kwodananavo ing'ope yake aijá ámuumbile.

Vabalaniya 12:10

Vatatavetu vashindatuduma muwakati ungwipi kwodananavo amulá mwavashoonela vene kuva mwambone kanji Nnungu ankutuduma kwauwambone wetu kwambangidya tukalyunganiange mukwilimyanga kwake.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

II Patulu 3:13

Kanji wetu kwakwodananavo kulivikila kwake, tunkulindila kuwa kwaambi na shilambo shaambi kwailota kupagwa ishaliya.

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.

I Nshuwau 2:25

Nadoni shalivikidile nae kwetu wetu ni ashi: shingumi shíkamalilika.

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.