II Nshuwau 1:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Linagwaledyo lyo ni ali: tuwene kwodananavo malamulo ake. Lilamulo lyo ni ali: kenga mo mwamwigwididye mwenu kunantandi, wena mulinagwaledyo alyo.

II Nshuwau 1:6 ပူးပေါင်းရင်းမြစ်များ

Nshuwau 14:15

“Mukangunagwaledya, malamulo angu mundaigwilila

Nshuwau 14:21

Munu ávenavo malamulo angu na áigwilila, ajo ni ángunagwaledya. Jo ángunagwaledya nangu jo, Atata anannagwaledya na nangu nannagwaledya kutwala kulilodya kwake.”

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:14

Mwenu ni mmavangu mukatandedya avilá vyaninnamulila nangu.

I Nshuwau 2:24

Kanji kwaupande wenu mwenu ashilá shamwigwite kunantandi shipagwe nkati mwenu. Ikava kenga ashilá shamwigwite kunantandi shindapagwa nkati mwenu, mwenu momo mundapagwa nkati mumwe Mwanamunu namu Atata.

I Nshuwau 2:5

kanji aijá áigwilila lilove lyake, nkati mwake nae, mwiu linagwaledyo lya Nnungu linkuwikila popo. Mwatumanyila kupagwa nkati mwake ni amu,

I Nshuwau 2:7

Mmakunagwaleka! Haninamwandikila shinu lilamulo lyaambi kanji lilamulo lyakala, lyo lyamuvénavo kunantandi; lilamulo alyo lyakala ni wo ntenga wamwigwite.

I Nshuwau 5:15

Nadoni pakuva tunkumanya kenga nae ankutwigwa kwa ashilá shatunjugwa, tunkumanya kenga tundipata tayali avilá vyatujugwile.

I Nshuwau 5:3

Amu ni mwatunnagwaladyedya Nnungu kwaupande wetu: patwigwilila malamulo ake na malamulo ake lo, hanaidopa shinu.

II Nshuwau 1:5

Nadoni nangu ninkukujugwa mama i do, ninkukwandikila lilamulo lyaambi kanji alilá lyatuvenavo tangu kunantandi: doni, tunagwaladyanie.