II Nshuwau 1:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Ninkuvanavo vyoe vyakumwandikila mwenu kanji i kwalyamba na wino mwaa ninkulindila ngwide ninnole ngutwale ngutangole namu mwenu ing'ope kwaing'ope kwambangidya lipuwilo lyetu, liwikile popo.

II Nshuwau 1:12 ပူးပေါင်းရင်းမြစ်များ

Nshuwau 15:11

Nangu nimmalangangila vinu avi pakulota lipuwilo lyangu lipagwe nkati mwenu na lipuwilo lyenu, liwikile popo.

Nshuwau 16:12

“Nangu ninkuvanavo vinji vyoe vyakulota kummanyiya ila ambi apa, hamulipililila.

Nshuwau 16:24

Mpaka ambi apa hashipali shamunjugwile palina lyangu nangu. Jugwa mundapata kwambangidya lipuwilo lyenu liwikile popo.

Nshuwau 17:13

“Napanelo ambi apa ninkwida kwako; vinu avi ninkutangola ngùvele mushilambo pakulota mmitima myave lyumbale likulupililo lyangu.

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

Valoma 15:24

pangutwala mwanda kuka ku Eshipanya ngupita ako, ninkulindila kunnola na mwenu mungupwashele mushimwanda shangu shakwanavo ling'oto lyakupuwanga padyoko namu mwenu.

II Timoti 1:4

Pangukumbukila myodi vyako, ninkuvanavo mweshe woe wakukwona kwambangidya lipuwilo lyangu liwikile popo.

Pilemoni 1:22

Pamo na avyo, ngupanganiyangidya lyutu lyakuwikila mwaa ninkulindila kenga kwaindila yakushwali kwenu vananguujidya kwenu.

Vabalaniya 13:19

Ninkunjugwa namene mutujugwangile pakulota nangu nguujile shipajelo kwenu mwenu.

Vabalaniya 13:23

Ninkulota nimmanyiye doni, nung'unumunu Timoti tayali vanimuungula nkalaboshi. Ikava kenga nae andawikinneu apa, nangu ndaida kwenu nannola pamo namu nae.

I Nshuwau 1:4

Namomo tunkumwandikila vinu avi pakulota lipuwilo lyetu liwikile popo.

III Nshuwau 1:10

Napavedoni pangulota kwida ako ndaundukulanga uti vyatenda, malove aukalau na akunyambikanga kwetu wetu. Nae avi havinantosha shinu, leka apo ankwita kuvapwashalela vanung'unumunu, kuvadivilila avalá valóta vavapwashalele na kuvavinganga muliganisha.