Yude 1:9 - ALLALA KUMƐ

⁹ Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

Yude 1:9 ပူးပေါင်းရင်းမြစ်များ

1 Ko-Kɔrɔta-Karan 12:17

Dawuda ya anu nabɛn ka a fɔ anu ye ko, “Ni wo nara n dɛnbɛ tinɛ le, tana ma wo la. Wo ni kofu ma ma. Kɔnɔ ni wo nara ma bole labira tinɛ le ka ma don ma yogenu bolo, hali nde ma ko-yogoma ma wo la, ma benbanuta Alla si a lɔn, ado alamɛ Alla ya wo tɔrɔ.”

Bɔ-Koe-Iyipiti 22:28

“Wo kana nde, Alla rasɛ anubɛ ka wola kun-tiginu danka.

Daniyɛli 10:13

Tele mogan-ni-kelan kɔrɔ, Pasiya nyamanɛ nyina-yogomɛ ya kilɛ tɛgɛ n ma. Melika kun-tigi do min tɔgɛ Maikali, wo tara n dɛnbɛn tinɛ bawo n kelan le wara to Pasiya nyamanɛ rɔ wo wati rɔ nun.

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Sakaraya 3:2

Mari ya a fɔ ko, “Setanɛ, tonya sa i bolo. Yerusalɛm di nde, Mari ye. Yasowa kɛ ma ara tanka iko kɔlɔma anu bara min nabɔ tɛ rɔ.”

Maraka 15:29

Mɔgɔ-tenbimatoenu ya anu kunyɛ radɔn Yisa ma ka a lafɛya. Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ,

Tɔn-Fɔɛ-Fila-Nyɔgɛ 34:6

Mari ya a togon fole do rɔ Mohabu nyamanɛ rɔ Bɛti-Piyɔri soe telen tɔ. Kɔnɔ ha bi, mɔgɔ-wo-mɔgɔ ma a lɔn yati, Mari ya Musa togon kan min.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

2 Pita 2:11

Hali melika-nyimɛ minnu sɛnbɛ kolo foninya-karan-mɔgɔ wonutɛ ko pon, anu ti melika-yogomɛ wonu nafɛya Mari yakɔrɔ.

Lankɛnimayɛ 12:7

Wo kɔma, kɛlɛ kɛra san-kole rɔ! Maikali anubɛ ata melikanu ya ninkinankɛ wonubɛ ata melikanu kɛlɛ,