Yude 1:5 - ALLALA KUMƐ

⁵ Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.

Yude 1:5 ပူးပေါင်းရင်းမြစ်များ

Yaburi 106:26

Woletɔ a ya anu makawandi a sɛbɛ-kuna-wɛ la ko anu kunyɛ si to wula-da-rakolɔn kɛ rɔ serr!

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Romu 15:15

Kɔnɔ kɛdi kɛ rɔ, Alla ara n yisi ragbɛlɛya ka wo hɛnkili bila koe donu ko. Ka ma Kirasiti Yisala wɔli-kɛlɛ la sibolo-gbɛrɛnu ye, Alla ya wo fɛrɛ di n ma. N tenbi Allala kibara-nyimɛ-kawandili bɔla, n bi saraka-masɔ-wɔlɛ le kɛla. N ya wo ma le alako sibolo-gbɛrɛnu ni ma kɔ-fen-nyimɛ la Alla ye. Anu sɛninyanɛ a yala ata Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 1:32

Mata Mari Alla sɔra ma yarɔ su-ni-tele ka ma daga makɛ tinɛ yira ma la tuma-wo-tuma. Tele rɔ, a manɛ iko banda-fin-gbɛ. Suyi rɔ, a manɛ le iko tɛ kɔnɔ hali wo, wo fanu ma la ale la.”

Hiburunu 3:16

Yon bi wonu na minnu ya Alla kuman-kan lamɔɛn ka murutiya a ma? Nɛbi Musa bɔra mɔgɛ minnu na ka bɔ Iyipiti nyamanɛ rɔ, wonu denu denu bi, yɔ!

2 Pita 3:1

N diyana-mɔgɛnu, nna kɛdi fila nyɔgɛ le kɛ la n bara min sɛbɛ wo ma gbɛ! N bara n taya kɛdi filɛ kɛ bɛɛ rɔ ko n bara kumɛ minnu sɛbɛ wo ma nun, wo ni wo hɛnkili to sɛbɛna-kumɛ wonu ko a kin na!

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:21

Ka a fɔ ko n bi kɛdi sɛbɛla wo ma bawo wo ma tonyɛ lɔn, wo ma de! N bi wo mala le bawo wo ya tonyɛ lɔn, ado wo ya a lɔn fanan ko foninyɛ ti bɔ tonyɛ rɔ muk!