Yude 1:16 - ALLALA KUMƐ

¹⁶ Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.

Yude 1:16 ပူးပေါင်းရင်းမြစ်များ

Yobu 32:21

N ti lafisayalɛ kɛ hali ka sɔ wole do fɛ kumɛ kɛ rɔ. N sa kuma-teleka-teleka fɔla mɔgɔ-wo-mɔgɔ ye.

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yaburi 106:25

Anu sigira anuna fani-bɔnnu na ka don gbunya-kuma-fɔɛ rɔ. Anu ma sɔn anu tole masɔla Mari la mumɛ!

Yaburi 15:4

A hayu sa karagbɛlɛnu na, ado mɔgɛ min bi Mari sako kɛla, a si wo le gbiliya. Ale mɔgɔ-nyimɛ wo si a nyɛrɛ diyana-koenu boloka ka ala lanyiri latɔnbagaya hali koe min si na ma a tɔrɔya-koe la.

Yaburi 17:10

Anu ti kinikini mɔgɛ ma, ado nyɛrɛ-matɔgɛ di anu ye.

Yaburi 73:8

Fenfen sa anu da rɔ fɔ manyinɛ anubɛ darɔ-gboyɛ. Anu wasira dɔgɔma-ma-de! Anu si yanfɛ kiri mɔgɛ doinu ma ka anu takilan-kumɛnu fɔ.

Hɛnkilimaya-Kumɛnu 28:21

Ka lafisayalɛ kɛ, wo ma kin, ado kiti-tɛgɛla-su wo si a nyɛrɛ kuman-kan yɛlɛma dɔgɔma-kundu kelan fɛ.

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Yilan-Yilan Koe 14:36

Ko-lakɔrɔsila mɔgɔ tan minnu nara foninya-kumɛ la Isirɛla mɔgɛnu ye, wonu denu ya a ma, Isirɛla mɔgɛnu murutiyara Mari Alla ma. Woletɔ Mari ya kiraya-fitinɛ layigi mɔgɔ tan wonu kuma. Anu dama fagara tɛrr!

Yilan-Yilan Koe 16:11

Ni wo ya gbunya-kumɛ fɔ Aruna ma, wo ma a fɔ Aruna dɔrɔn ma de! Wo ya a fɔ Mari nyɛrɛ le ma ken!”

Yilan-Yilan Koe 16:41

Wo wulun sɔgɔma, Isirɛla mɔgɛ bɛɛsi ya gbunya-kumɛ dabira Musa anubɛ Aruna ma ka a fɔ ko, “Wole ya Marita mɔgɛ donu faga le, yɔ!”

Luka 15:2

Farisinu anubɛ tɔn-karan-mɔgɛnu wulita gbunyala ko, “Kei kɛ ye Alla-batobɛlɛnu tabirala ka fen-dɔn-kɛ anu fɛ!”

Luka 19:7

Min bɛɛ ya wo yen, wonu ya gbunyɛ dabira. Anu ko, “E, n bɔnu, kei kɛ ara ta yiya hakɛ-tigi warɛ!”

Luka 5:30

Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Yɔni 6:41

Yahudiyanu ya da-kɔrɔ-kumɛ dabira Yisala ko la bawo a ko biredi le ale la min yigira ka bɔ Arinyɛni tɔ.

Yɔni 6:61

Yisa ya a lɔn ko ala karan-dannu bi da-kɔrɔ-kumɛ fɔla kɛla ko la, woletɔ a ya a fɔ anu ye ko, “Kumɛ kɛ ara wo yigi tɛgɛ, wa?

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Tɔn-Fɔɛ-Fila-Nyɔgɛ 1:27

Wo fanu tora gbunya-kumɛnu fɔla anu nyɔgɔn tɛma ka a fɔ ko, ‘Ma ma di Alla ye bawo a ya ma labɔ Iyipiti nyamanɛ rɔ alako ka ma ladon Amoranu bole tɔ ka ma faga.

Filipai 2:14

Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma.

1 Tɛsalonaika 4:5

A kana a fɛrɛ-bɔnkɛ don nata-yogomɛ rɔ iko sibolo-gbɛrɛ minnu ma Alla lɔn.

1 Timoti 6:5

ado tuma-wo-tuma anu bi sɔsɔli sala. Mɔgɛ wonu hɛnkili tinyanɛ, tonya sa anu bolo muk! Anu bi anu mirila ko dina-koe, nɔnfulu-sɔrɔn-kilɛ le.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

1 Pita 1:14

Wo ni Allala kumɛ bira. Wo ma Alla wara-koe lɔn bɛ tumɛ min, nata-yogomɛ minnu bi wo marala nun, wo kana sɔn, wonu ni wo mara tun.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

Yude 1:15

ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

Yude 1:18

Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”