Yude 1:11 - ALLALA KUMƐ

¹¹ Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Yude 1:11 ပူးပေါင်းရင်းမြစ်များ

2 Mansɛnu 16:16

Saraka-Masɔla Yuraya ya a ma iko Mansa Ehasi ya a fɔ a ye nya min.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Isikiyɛli 13:3

“Nde, wo Tigi Mari ko gbalo ye foninya-wɔlɔyiya-kuma-fɔla-fuyi kɛnu kuma. Anu bi anu bilala anu nyɛrɛ miriya le fɛ. Anu bi foninya-ko-rayira-kumɛ wonu bɔla anu kunyɛ le tɔ dɔrɔn.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Yilan-Yilan Koe 31:16

Wo ya a lɔn serr, ko musi kɛnu denu bilara Nɛbi Belam kuman-kan fɛ alako mɔgɛnu ni Beyali kɔ Piyɔri kɔnkɛ kuma.

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Tɔn-Fɔɛ-Fila-Nyɔgɛ 23:4

bawo wo ye tagamana ka bɔ Iyipiti nyamanɛ rɔ, anu ma sɔn dɔntɛ anubɛ yi dila wo ma. Min sanɛ wo kuma, anu ya Beyorila dan Nɛbi Belam kele ka bɔ Petori soe burɔ Babilɔn nyamanɛ rɔ pon! Anu ya a sara wole Isirɛla mɔgɛnu danka-koe la.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.