Yowɛli 2:28 - ALLALA KUMƐ

²⁸ A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Yowɛli 2:28 ပူးပေါင်းရင်းမြစ်များ

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 54:13

A ko ale Mari nyɛrɛ si ila mɔgɛnu karan ka yisi-kimɛ di anu ma.

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 37:14

N si nna niyi don anu tɔ alako anu ni beli tun. Wo kɔma, n si a ma, anu ni ta sigi anuta nyamanɛ rɔ tun. Anu si a lɔn wo le ma ko Mari le nde la. Nta lanyiri le kɛ la, ado fɔ n ba a ma. Nde, Mari ara ban a fɔla.”

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Daniyɛli 7:1

Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Luka 1:67

Yɔni wo fa Sakaraya fara Allata Ni-Sɛnimɛ la ka wɔlɔyiyɛ kɛ. A ko,

Luka 3:6

Wo si a ma, mɔgɛ bɛɛ si Allala kisi-koe yen!’ ”

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Kɛwɔlɛnu 21:9

Dunmusu-nɛ mɔgɔ nani ye a bolo ala bɔn la. Wonu si wɔlɔyiya-kumɛ fɔ.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 19:21

Mansa Sɔli ya wo fanan namɔɛn min kɛ, a ya mɔgɔ-gbɛrɛkɛnu nata tun Dawuda bira tinɛ nyɔ. Wonu fanan ke nyɔ rɔ, anu donta dɔn-kɛ anubɛ wɔlɔyiya-kuma-fɔɛ rɔ. Kilayɛ sawa nyɔgɛnu fanan natanɛ nyɔ rɔ, wonu fanan tara don dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.