Yowɛli 2:27 - ALLALA KUMƐ

²⁷ A ko wo le si a yira wo la ko wole, Isirɛla mɔgɛnu ni a lɔn ko ale Mari ye wo tɛma. A ko wo si a lɔn ko ale Mari le wota Alla la. Ale le kelan ye nyɔ Allayɛ la, ado a ko a ti sɔn, mɔgɔ-wo-mɔgɔ ni anu yɛ layigi wole, ala mɔgɛnuna sole rɔ tun.

Yowɛli 2:27 ပူးပေါင်းရင်းမြစ်များ

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Aiseya 45:6

A ko ni i ya a yen, a ye wo mala, wo manɛ alako duninya-tonko-nanɛ bɛɛ ni a lɔn ko ale le Mari la, ado Alla-gbɛrɛkɛ sa ale kɔma.

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Isikiyɛli 37:6

N si anu fasɛ anubɛ anu soge sa anu kole wonu ma tun. N si anu gbole fanan sa anu ma. N si niyi bila anu tɔ tun ka anu ma kɛndɛwagɛnu na. Wo kɔma, anu si a lɔn ko Mari le nde la.”

Isikiyɛli 39:22

Ka a bi wati wo ma, Isirɛla mɔgɛnu si to a lɔnna wo le ma ko anuta Mari Alla le nde la.

Isikiyɛli 39:28

Nde le ya anu don biralɛ rɔ nun, ado nde le nara anu na tun anuta nyamanɛ rɔ. Hali mɔgɔ-den-kelen ma to kɔma. Wo bɛɛ wa kɛ tumɛ min, nna mɔgɛnu bi a lɔnna wo le ma ko anuta Mari Alla le nde la.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Sakaraya 2:9

A ko ale nyɛrɛ-nyɛrɛ si wonu kɛlɛ. A ko minnu bi yɔɔnyɛ la anu kɔrɔ nun, wonu si anu denu fanan bira. N kan kɛnu ba bɔ a la tumɛ min, bɛɛ si a lɔn worɔ ko ale Mari Sɛnbɛ-Bɛɛ-Tigi le ya nde, Sakaraya sɔ.

Yilan-Yilan Koe 11:29

Musa ya a fɔ Yasowa ye ko, “Ile le ye nna keliyɛ kɛla n ye, wa? Nba, a si diya nde nyɛrɛ ye ni Isirɛla mɔgɛ bɛɛ si Marita Sɛnbɛ kɛ sɔrɔn. A si diya nde ye gbuyɛ, ni bɛɛ si bɛti bɔ ka Mari wɔlɔbɔ!”

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Tɔn-Fɔɛ-Fila-Nyɔgɛ 23:14

Wo ni wola dagɛ sɛninya iko tɔn ya a fɔ nya min tuma-wo-tuma bawo wota Mari Alla ye wo fɛ dagɛ rɔ ka wo tanka wo yogenu ma ka anu nɔ. A ma di wota Mari ye ka wo daga makɛ tinɛ wo kɔsɔnɛ yen min si a ma, a ni a kan-kɔ sɔ wo la.”

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.