Yona 4:9 - ALLALA KUMƐ

⁹ Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Yona 4:9 ပူးပေါင်းရင်းမြစ်များ

1 Mansɛnu 21:4

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.

Yobu 18:4

Ila yisilamayɛ si i nyɛrɛ matanban-tanban. Ile lara a la ko ila yisilamayɛ si a ma, duninyarɔ-fan bɛɛsi ni ban, wa? Alla si kɔnkɛnu bɔ anu gbɛ rɔ alako i ni wasa, wa?

Yobu 36:18

A ma i fɛrɛma, nɔnfuli kana i bɔ Allata kilɛ fɛ, ita fen-tigiyɛ kana i yɛlɛma.

Yobu 5:2

Sɔgɔ-labɔɛ le si kun-takolɔn faga. Keliya-diminyɛ si a ma, mɔgɛ ni faga iko yuwɛ.

Yona 4:1

Nɛbi Yona ya a yen min kɛ, tunbi ara sigi a tɛrɛn na, a yisi magboyara.

Yona 4:10

Mari ya a fɔ a ye ko, “Kɔlɔma kɛ fɛrɛnta tele kelen, a gbalata tele kelen. I turu ma, i tara ma kɔlɔma kɛ lafɛrɛn tinɛ. Hali wo, i yisi-magboyanɛ kɔlɔma kɛla ko la.

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Matiyu 26:38

A ya a fɔ anu ye ko, “N yisi tɔrɔnɛ ha n fagamatoe le! Wo ni to yan ka ki wo ya la n fɛ.”

2 Kɔrɛnti 7:10

Yisi-lafinyɛ min bɔnɛ Alla bolo, wo si na yisi-yɛlɛmɛ la, ado wo si a laban kisi-koe ma wo bolo. Wo ti mɔni wo rɔ mumɛ! Kɔnɔ hadama-danta yisi-lafinyɛ si a laban sayɛ ma.

Lankɛnimayɛ 9:6

Karɛ lolɛ wo kɔrɔ, mɔgɛ wonu si sayɛ nyini kɔnɔ anu ti ke a sɔrɔnna. Faga-sɔgɛ si anu bira kɔnɔ sayɛ si a buri anu kɔrɔ.

Kɛlɛ-Kurugbɛnu 16:16

Tele-wo-tele, a ye kirinkonaya-kuma-kelan wo le fɔla Samsin ye. Musi wo ya a yakɔrɔ-mamɔ wola ko la ha a kɔndɔfilita.