Yona 4:8 - ALLALA KUMƐ

⁸ Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Yona 4:8 ပူးပေါင်းရင်းမြစ်များ

Ko-Dabirɛnu 41:6

Wo kɔma, a ya nyɔ wɔrɔnfila yen bɔla nyɔɛ doi wonu kɔma. Anu worowarɛ! Fɔnyɔ tugura. Anu mara sɔnfɔlɔn!

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

1 Mansɛnu 21:4

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yobu 7:15

A sɔgɛ ye n na, mɔgɛ do ni n kan radigin alako n niyi ni bɔ n fɛrɛ-makisimirinɛ kɛ rɔ.

Yaburi 121:6

Tele-wuyan ti ma madumɛ tele rɔ. Karɛ fanan ti ma tɔrɔ suyi rɔ.

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Makawandili Kumɛnu 7:9

I yisi kana bɔ tiriya bawo kuntan le yisi lakala.

Keninteya-Siginu 1:6

I yɛ kana tɛgɛ n tɔ bawo n bara fin. Tele le wara n fɛrɛ fin n ma. N kɔrɔ-keinu denu diminyara n ma ka n ma anuna sɛni-tawɔlilɛ la. N ma n nyɛrɛ fɛ-bira-kunya sɔrɔn.

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Yona 1:17

Mari ya yɛgɛ-belebele do sɔ ka Nɛbi Yona lakunu. A ye a burɔ su sawa, tele sawa.

Yona 1:4

Mari ya banda-fin-fɔn-belebele-wɛ latugu anu kun na. Fɔnyɔ wo nara fanka rɔ, a tora doni, a ni kulɔn wo tinya.

Yona 4:3

Nba Mari, a ma, n ni faga kaka. N furi fisa n kɛndɛ ko.”

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Matiyu 20:12

Anu ko, ‘Minnu bi-san, wonu wɔlita hawa kelen dɔrɔn. Male don, ma wɔlita tele kunayanɛ kɔrɔ ha. Kɔnɔ hali wo, i wara male sara iko i ya doinu sara nya min!’

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

Lankɛnimayɛ 7:16

Kɔnkɛ ti anu bira tun. Anu kan la ti gbala tun. Tele anubɛ a wuyan, wo fenfen ti anu mintan,

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”