Yona 4:5 - ALLALA KUMƐ

⁵ Nɛbi Yona bɔra ka ta soe kɔma ka a sigi tele-bɔɛ wara la. A ya lele sɔ ka a sigi wo ninɛ kɔrɔ. A siginɛ tora nyɔ ka a makɔnɔ. A ni a lɔn min bi nala mala Ninɛfa soe la.

Yona 4:5 ပူးပေါင်းရင်းမြစ်များ

1 Mansɛnu 19:13

Nɛbi Ilaya ya wɛwɛ-kumɛ wo lamɔɛn min kɛ, a ya ala duruki burun a yɛ la. A bɔra faran la ka a sɔ a dɛ la. A ya manyinikali-kan lamɔɛn, a ko, “Ilaya, ile ye nfen mala yan tɔ?”

1 Mansɛnu 19:9

A ke Sinayi kɔnkɛ kuma, a tara ki faran do la. A ma mɛ, Mari ya a fɔ a ye ko, “Ilaya, i ye nfen mala yan tɔ?”

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yona 1:5

Kulun-tawɔli-kɛlɛ wonu kilanta dɔgɔma-ma-de! Bɛɛ donta ata bɛsi-madiyɛ rɔ. Anu donta dunɛnu nabuiyi rɔ kɔgɔ-yi rɔ alako kulɔn ni fɛya. Anu bi kɛ dama rɔ tumɛ min, wo ya a taran, Yona ye kinɔgɔla kulɔn wo kan tinɛ do rɔ a dan na.

Yona 4:4

Mari ya Nɛbi Yona manyinika ko, “Itɛ mintan bi kɛ rɔ? Nfen bi i diminyala?”

Yona 4:6

Wo kɔma, Mari Alla ya kɔlɔma-yanba-kun-pinpilamɛ do lafɛrɛn Nɛbi Yona kuma nyɔ tiriya alako tele kana a tɔrɔ.