Yona 3:4 - ALLALA KUMƐ

⁴ Nɛbi Yona donta soe wo ratagama rɔ. A telenta soe wo ratagamana. Wo kɔma, a donta Allata kumɛ mayɔn rɔ mɔgɛnu ye ko, “A ara to tele bi-nani, Ninɛfa kɛ ye nala halakila.”

Yona 3:4 ပူးပေါင်းရင်းမြစ်များ

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

2 Mansɛnu 20:6

N si a ma, a ni san tan-ni-loli bɔ tun. N si ale anubɛ Yerusalɛm soe latanka Asiriya mansa-masibɛ ma. N si soe kɛ latanka ka a tɛgɛ nta gbiliyɛ anubɛ nta lanyiri ma n ya min kiri nta wɔli-kɛla Dawuda ye.”

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Matiyu 12:41

Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr!

Luka 11:30

Iko Nɛbi Yona mara tamasere la Ninɛfa kɛnu ye nya min, nde, Hadama-dan si ma tamasere la bi-mɔgɛnu ye wo nya na le.

Luka 11:32

Kiti-tɛgɛ-lunyɛ, Ninɛfa kɛnu fanan si anu nasɔ ka wo yiliki bawo wonu ya Nɛbi Yonata kawandilɛ lamɔɛn tumɛ min, anu ya anu kɛ-nyanu yɛlɛma. Kɔnɔ n bi a fɔla wo ye, mɔgɛ do ye yan min kolo Nɛbi Yona ko pirr!

Tɔn-Fɔɛ-Fila-Nyɔgɛ 18:22

Ni nɛbi kɛ ye kumala Alla tɔgɛ le tɔ kɔnɔ a kuman-kan sa bɔla-a-la, wo si a lɔn worɔ ko kumɛ wo ma bɔ Alla bolo. Nɛbi wo ya a sakorɔ-kumɛ le fɔ. Wo kana kilan mɔgɔ-sufa wonu na.”