Yona 2:4 - ALLALA KUMƐ

⁴ N ya a lɔn nun ko i wara n kɔn. N ya a lɔn nun ko n ti ita bon-sɛnimɛ yen tun.

Yona 2:4 ပူးပေါင်းရင်းမြစ်များ

1 Mansɛnu 8:48

ni anu ya i matara ka anu ya-lamunun Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi san-kole rɔ, i ni anuna matarali-kan wo lamɔɛn ka kinikini anu ma. Ile Mari ara soe kɛ yabɔ ka nyamanɛ kɛ di ma benbanu ma.

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

2 Ko-Kɔrɔta-Karan 6:38

Wo kɔma, ni anu ya i matara ka anu ya-lamunun Bato-Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi Arinyɛni tɔ, i ni anuna matarali-kan wo lamɔɛn ka kinikini anu ma ka anu makoto anu hakɛ la. Ile Mari ara soe kɛ yabɔ ka nyamanɛ kɛ di ma benbanu ma.

Yaburi 31:22

N kilanta. N ya a lɔn nun ko Mari ara n gben a dafɛ. Kɔnɔ n ya a rakele tumɛ min n dɛnbɛn-koe la, a ya n di-kɛ-kan lamɔɛn.

Yaburi 42:8

Alamɛ Mari ya ata keninteya-dannatɛgɛbɛlɛ yira n na tele rɔ woletɔ n si to bɛti bɔla n yisi rɔ suyi rɔ. N niyi ye Alla min bolo, bɛti wo mani de ale ye iko madiyalɛ.

Yaburi 5:7

Mari, n si ke tala le ita Bato-Bon-sɛnimɛ la ka a tɛgɛ ila keninteya-dannatɛgɛbɛlɛ ma. N ba ke nyɔ, n si n sa i kɔrɔ ka i bato.

Yaburi 88:6

I wara n nakɛ-a-rɔ kaburu-soe rɔ saru! Nyɔ rapinpinɛ, ado a rayan.

Yaburi 88:7

I fonde bɔnɛ n kuma dɔgɔma-ma-de! Ila diminyɛ tugunnɛ n kan ma iko yi ka n bunden iko kɔrɛ.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 49:14

Kɔnɔ Yerusalɛm kɛnu bi a fɔla ko Mari ara a ban anu na. A ara nyina anu ko salon!

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 7:15

A ko a si wo gben a yakɔrɔ iko a ya wo na-kelen-nyɔgɛ Isirɛla mɔgɛnu gben nya min.

Nimisa Koe 3:54

Yi ara fɔlɔla n yamatogonna denkɛ wo burɔ. N niyi ragbɛrɛnta n ma.

Isikiyɛli 37:11

Wo bɛɛ kanɛ a la, Alla ya a fɔ n ye ko, “Ile hadama-dan, Isirɛla mɔgɛ bɛɛ mani de iko kole wonu. Anu bi a fɔla ko anu bara gbala, ado yigi-wo-yigi sa anu bolo tun. Anu na ara to dogbe!

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.