Yona 1:9 - ALLALA KUMƐ

⁹ Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Yona 1:9 ပူးပေါင်းရင်းမြစ်များ

Ko-Dabirɛnu 1:10

Alla ya dugi wo tɔgɔ sa dugu-kole. A ya yi ladɛnnɛ wo tɔgɔ sa kɔgɔ-yi. Alla ya dugu-kole anubɛ kɔgɔ-yi mafɛlɛn. Wo ya a hɛnɛ.

Ko-Dabirɛnu 14:13

Mɔgɛ do ya a buri kɛlɛ rɔ ka ta wo bɛɛsi rakaran Burama ye. (Burama wo bɔra Iburu kegeyɛ le tɔ.) Wo wati rɔ, Burama daga makɛnɛ Mamirela kɔlɔma-kuri-latankanɛnu dafɛ. Amora do le Mamire kɛ la. Mamire anubɛ a na-kelen-nyɔgɛnu Esikoli anubɛ Aneri, wonubɛ Burama bara diyanaya lanyiri kiri anu nyɔgɔn tɛma nun.

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 39:14

a worondora ka wɔli-kɛlɛnu takele. Wɔli-kɛlɛ wonu nanɛ, a ya a fɔ wonu ye ko, “Wo ni duruki kɛ mafɛlɛn. Nna kei ara na Hiburu keminɛ min na kɛ la, wo le wara na n nafɛya tinɛ kɛ la. A ara don n kuma. A ko a ni digin nde ma. Woletɔ n fanan gbele-gbelenta ha wo ara na.

2 Mansɛnu 17:25

Asiriya wonu sigira Samariya tumɛ min, anu ma sɔn Mari batola. Wo le ya a ma, Mari ya yarɛnu natugu anu ma. Wonu ya mɔgɛ donu faga anu tɔ.

2 Mansɛnu 17:28

Anu ya saraka-masɔlɛ minnu bira Samariya soe burɔ, anu nara wo mɔgɔ kelen na ka wo sigi Bɛtɛli soe burɔ. Wo tora mɔgɛnu nabilala Mari-bato-nya la.

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Ɛsira 5:11

“Anu ya a fɔ ma ye ko Alla min bi san-kole anubɛ dugu-kole kuma ko wota wɔli-kɛlɛ le anu denu na. Anu ko anu benbanu ya San-Kole-Alla ladiminya min kɛ, wo le ya a ma, Alla ya anu kunyɛ don Babilɔn Mansa Nɛbukanasa bolo, Kaladiya kɛ, kɔni. Anu ko Nɛbukanasa le ya anuta Bato-Bɔn tinya, anuta mansa-makawanɛ do ya min sɔ kɔrɔma la nun. Wo kɔma, a tara anu denu na Babilɔn nyamanɛ rɔ. Anu ko anu bi San-Kole-Alla wo leta Bato-Bɔn sɔla tun.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yobu 1:9

Setanɛ ya a manyinika ko, “Yobu wo si to ile batola wo nya na ni tɔnɔ-gbɛrɛkɛ sa a la, wa?

Yaburi 136:26

Ma ni baraka bira Alla ye, Arinyɛnɛ Mansɛ, kɔni. Ala keninteyɛ dan sa.

Bɔ-Koe-Iyipiti 1:15

Tinkɔrɔ-sigilɛ minnu bi anu ta-nyɔgɛ Hiburu musinu kun na, wo kelan tɔgɛ le Sifira, doi tɔgɛ le Puwa. Iyipiti mansɛ ya a fɔ wonu ye ko,

Bɔ-Koe-Iyipiti 2:13

Wo banda kɛ, a ya a taran fanan, Hiburu kemini mɔgɔ fila ye kɛlɛla. Min yo sa kumɛ rɔ, a ya a fɔ wo ye ko, “I ye i na-kelen-nyɔgɛ Hiburu kɛ gbesila nfenna?”

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Filipai 3:5

N sɔrɔn ya lɔgɔkun kelen bɔ tumɛ min, n kemininyara wulɔn le. Isirɛla kɛ le nde la n sɔrɔn-nya fɛ ka bɔ Bɛnyamɛ bɔnsɔn rɔ. Hiburu nyɛrɛ-nyɛrɛ le nde la. Yahudiyanuna tɔn-kitabu-bira-kilɛ fɛ, Farisi le nde la.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 16:11

Anu ya Alla danka Arinyɛni tɔ anuna dumɛ anubɛ anuna tɛlɛ wonuna ko la. Kɔnɔ hali wo, anu ma fara anu kɛ-nya-yogomɛnu na.