Yona 1:8 - ALLALA KUMƐ

⁸ Anu ya a fɔ Nɛbi Yona ye ko, “Tonyɛ fɔ ma ye, i gbɛ le kɛ la, wa? Ile ye nfen sufa wɔlɛ la? I bɔra nyamanɛ nyamintan tɔ? Ile sibole ye kama?”

Yona 1:8 ပူးပေါင်းရင်းမြစ်များ

Ko-Dabirɛnu 47:3

Mansɛ wo ya Yusufu na-kelen-nyɔgɛ wonu manyinika ko, “Wole ye nfen wɔlɛ kɛla?” Anu ya a fɔ mansɛ ye ko, “Kolo-fen-makandannɛ le male la iko ma benbanu bi nya min nun.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”

1 Samuwɛli 14:43

Wo kɔma, Mansa Sɔli ya Yonatan manyinika, a ko, “Ile ya nfen sufa hakɛ kɛ nun?” Yonatan ya a fɔ a ye ko, “N ya liyi le bi nna kɔlɔma la ka a dɔn. Kɔnɔ kaka, n tabɛnnɛ, fɔ n ba faga.”

1 Samuwɛli 30:13

Dawuda ya a manyinika, a ko, “Ile bɔra mi? Ila kun-tigi ye yon na?” Keminɛ wo ya a fɔ a ye ko, “Iyipiti kɛ le nde la. N bi yɔɔnyɛ le la Amalɛki kei do kɔrɔ. N kirɛ le nun woletɔ anu ya n boloka kilɛ la. A tele sawɛ le kɛ la gbɛ, n bi n nyɛrɛ ma.