Yona 1:4 - ALLALA KUMƐ

⁴ Mari ya banda-fin-fɔn-belebele-wɛ latugu anu kun na. Fɔnyɔ wo nara fanka rɔ, a tora doni, a ni kulɔn wo tinya.

Yona 1:4 ပူးပေါင်းရင်းမြစ်များ

Yaburi 135:6

San-kole kuma wo, dugu-kole kuma wo, kɔgɔ-yi rɔ wo, kɔgɔ-yi-dumɛ rɔ wo, min ba diya ale ye, a ye wo le mala.

Yaburi 135:7

A si banda-finyɛ lana ka bɔ dugu-dan la. A ye san-sɛran anubɛ bandɛ lanala. A si fɔn-barɛ dɛ laka duninya kuma.

Yaburi 148:8

A banda-nyin-masɔgɔ wo, a banda-kolo wo, a banda wo, a duru wo, a fɔn-digidigi-wa wo, wo bɛɛ ye Mari kuman-kan birala ka a tanto.

Bɔ-Koe-Iyipiti 10:13

Musa ya ala sewuri rasagan Iyipiti nyamanɛ kuma. Mari ya fɔnyɔ do lana Iyipiti kuma ka bɔ tele-bɔɛ wara la. Fɔnyɔ telenta nala gben, a kira nala kudu! Wo banda kɛ sɔgɔma, anu tɛrɛnara kondɔn siyamɛnu na anu kuma, fɔnyɔ wo nara minnu na a bolo.

Bɔ-Koe-Iyipiti 10:19

Mari ya fɔn-belebele do labɔ tele-yigi wara la. Fɔnyɔ wo ya kondɔn wonu bi ka anu nafili Kɔgɔ-Yi-Wulan rɔ. Hali kondɔn wo kelen ma to Iyipiti nyamanɛ rɔ.

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Bɔ-Koe-Iyipiti 15:10

Kɔnɔ i karatɔ-fɔnyɔ ya Kɔgɔ-Yi-Wulan latugu anu kuma. Yi sara anu kuma. Anu yigira yi kɔrɔ iko nɛgɛ-kundi.

Yɛrɛmaya 51:16

A nɛn-naban kumala, banda si tugu. A si a ma, banda-yi la ni dɛn kan-tina bɛɛ rɔ. A tenbi bandɛ lanala, san ye sɛrɛnna. A si ala fɔn-barɛ dɛ laka.

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Yilan-Yilan Koe 11:31

Mari ya fɔn-belebele labɔ kɔgɔ-yi wara la. Fɔn wo nara wondere siyaman na a bolo dagɛ rɔ. Wondere wonu takara nyɔ baraki! Ka a fɔlɔ dagɛ tele-yigi anubɛ a tele-bɔɛ, dagɛ anubɛ ala foolɛ rɔ, mɔgɛ si tele kelen tagama kɛ wondere kɛnu tɛma. Ka a bi dugi ma ha mɔgɔ tɛmɛ, wondere wonu sanɛ anu nyɔgɔn kuma.