Yona 1:2 - ALLALA KUMƐ

² “I lasɔ, i ni ta Ninɛfa so-karantan rɔ ka nyɔ-mɔgɛnu makuma. Mɔgɛ wonuna ko-yogomɛ ara n tabɔ.”

Yona 1:2 ပူးပေါင်းရင်းမြစ်များ

Ko-Dabirɛnu 10:11

A bɔra Babilɔn nyamanɛ rɔ ka ta so-kun nani datɛgɛ Asiriya nyamanɛ rɔ, Ninɛfa wo, Rihoboti-Ira wo, Kala wo,

2 Mansɛnu 19:36

Woletɔ Mansa Sɛnakaribu sɛgira a kɔma Ninɛfa soe burɔ.

2 Ko-Kɔrɔta-Karan 28:9

Marita nɛbi Odɛdi siginɛ Samariya soe burɔ. Isirɛla kɛlɛ-dannu bi tala Yuda mɔgɔ-biranɛnu na anu bolo Samariya soe burɔ tumɛ min, nɛbi kɛ bɛnta anu na soe kɔma. Ale nɛbi ya a fɔ kɛlɛ-dan wonu ye ko, “Wo benbanuta Mari Alla diminyanɛ Yuda kɛnu ma, woletɔ a ara a ma, wole ara anu nɔ kɔnɔ wo ara karagbɛlɛyɛ min sigi anu na ka anu mɔnima-fagɛ-kɛ, a ara wo lɔn.

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Aiseya 37:37

Woletɔ ale Sɛnakaribu sɛgira a kɔma Ninɛfa soe burɔ.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Isikiyɛli 2:7

Nde ye min fɔla i ye, i ye tala wo le fɔla anu ye dɔrɔn, a biranɛ anubɛ a birabɛlɛ anu bolo bawo anu murutiyanɛ le.

Hoseya 7:2

N miriya sa wo la ko nde, Alla si wo bira wo yili la. Wo hakɛ mininɛ wo ma iko gbɔfɛ, ado wo hakɛ gbɛnɛ n yɛ la feu!”

Yona 3:2

“I lasɔ, i ni ta Ninɛfa so-karantan wo rɔ ka nna sarakanɛ lake nyɔ-mɔgɛnu ma iko n bara min fɔ i ye kɛ la.”

Yona 3:3

Nɛbi Yona ya Mari kuman-kan to a gbɛ rɔ. A tara Ninɛfa. Ninɛfa wo, so-belebele le wo la. Mɔgɛ si tele sawa bɔ soe wo ratɛgɛ tinɛ.

Yona 4:11

Nfen ya a to gbɛ, nde ti kinikini Ninɛfa mɔgɛ kɛnu ma? I miri de, dennɛ minnu bi Ninɛfa soe kɛ rɔ minnu ma anu hɛnkili sɔrɔn bɛ, anu tenbira mɔgɔ waga kɛmɛ ani mɔgɔ waga mogan na (120,000). Hali kolo-fannu, wonu fanan siya. Nde kana kinikini so-karantan-kɛ-mɔgɛnu ma wo rɔ, wa?”

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Nehami 3:19

Bɛsi-wo-bɛsi sa wola tɛlɛnuna ko la, ado wola tɛlɛ wonu ti kɛndɛya muk! Mɔgɔ-wo-mɔgɔ wa a lamɔɛn ko wo ara halaki, wo si lɛnkɛ gbesi sewɛ bolo bawo wo ara karagbɛlɛya-siyaman sigi mɔgɛnu na nun.

Matiyu 10:18

Ka a tɛgɛ nde ma, anu si wo rasagan kun-tiginu anubɛ mansɛnu yakɔrɔ. Wo si nta kibara-nyimɛ fɔ wonu ye anubɛ sibolo-gbɛrɛnu fanan.

Matiyu 12:41

Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Lankɛnimayɛ 18:5

A hakɛnu na ara dɛn anu nyɔgɔn kuma ka yɛlɛ ha ka ke san-kole ma. Nba, Alla ara a fonde to ala ko-yogomɛ ko.