Yobu 9:5 - ALLALA KUMƐ

⁵ Alla si kɔnkɛ bɔ a gbɛ rɔ hali a ma mɔgɛ lasui a ma. Ni a fonde bɔra, a si kɔnkɔ-belebele-wɛnu nabui fugbu!

Yobu 9:5 ပူးပေါင်းရင်းမြစ်များ

Yobu 26:6

Furinu bi kan tinɛ min tɔ, Alla kolan ye anu na. Yamatogon-tina-wo-tina ti a ma, a ti anu yen.

Yobu 28:9

Farɛ min gbɛlɛ gben, mɔgɛnu bi wo sinna. Anu bi kɔnkɛnu kɔrɔbɔla.

Yobu 34:25

Anu bi min mala, a ya wo bɛɛ lɔn. Hali su kelen pe kɔrɔ, a si anuna sɔ tinɛ bɔ anu bolo ka anu kasara pɔ!

Yobu 40:11

Ila diminyɛ labɔ gbɛ rɔ alako mɔgɔ-wasinɛnu ni anu famayigi i sɛnbɛ la.

Yobu 41:11

Yon si ke a kɛlɛla, a kunyɛ ni bɔ a rɔ? Mɔgɔ-wo-mɔgɔ sa min si a nɔ.

Yaburi 114:6

Nfen ya a to, wole kɔnkɛnu bi gberenya bɔla iko baa-dan? Nfenna wole gburukulinu bi gberenya bɔla iko saga-dan?

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 68:8

dugi yɛrɛyɛrɛnta, bandɛ ya a dɛ bɔ a kɔrɔ bawo ile Isirɛlata Alla ya i nyɛrɛ yira anu na Sinayi kɔnkɛ kuma.

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Sakaraya 4:7

A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Matiyu 21:21

Yisa ya anu yabi ko, “Wo ni wo hɛnkili to kɛ ko! Ni dɛnkɛninyɛ ye wo bolo, ado wo ma sika, n bara min kɛ toro-kuri kɛ la, wole fanan si ke wo nyɔgɔn kɛla. Wo dɔrɔn ma, wo si ke hali ka a fɔ kɔnkɛ kɛ ye ko, ‘Bɔ yan. I ni ta bui kɔgɔ-yi rɔ.’ Wo si ma le.

Matiyu 27:51

Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ. Dugi yɛrɛyɛrɛnta ha kurinu tatiira.

Luka 21:11

Dugu-yɛrɛyɛran si kɛ anubɛ kɔnkɔ-fitinɛ anubɛ kiraya-fitinɛnu kan tina siyaman tɔ. Ko-makilannɛnu anubɛ tamasere-wɛnu si kɛ san-kole rɔ fanan.

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 6:14

San-kole laminita iko gbolo-lamininɛ ka tunu yen! Kɔnkɛnu anubɛ yi-tɛma-dugi bɛɛ bɔra anu gbɛ rɔ.