Yobu 9:4 - ALLALA KUMƐ

⁴ Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yobu 9:4 ပူးပေါင်းရင်းမြစ်များ

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

2 Ko-Kɔrɔta-Karan 20:6

A ya matarali-kɛ a kulu-mayɛlɛnɛ la, a ko, “E, ma benbanuta Mari Alla, ile Arinyɛnɛ anubɛ Duninyama-Mansɛ, i sɛnbɛ kolo. Mɔgɔ-wo-mɔgɔ ti a sɔ i kɛlɛ-koe la.

Yobu 11:6

Ko-dogonnɛ min bɛɛsi ye hɛnkilimayɛ rɔ, a si wonu yira i la nun, ado koe donu bi nyɔ hadama-dan ti ke min nya-yenna. Alla sa i tɔrɔla iko a bɛnta, a ni i tɔrɔ nya min.

Yobu 12:13

kɔnɔ hɛnkilimayɛ anubɛ sɛnbɛ ye Alla le bolo. Min sanɛ wo kuma, wo le, ko-kɔrɔ-lɔn anubɛ makawandilɛ ye ale bolo.

Yobu 15:13

Min sanɛ wo kuma, i wara to diminyani Alla ma ha i nagankuri namanɛ kuma-siyaman-fɔɛ ma.

Yobu 23:6

A si sɔ n kan ma a sɛnbɛ-wɛ la, wa? A ti wo ma. N tenbi kumala, a si a wɔlɔ matɔlɔ n na.

Yobu 24:22

Alla si sɛnbɛ-tiginu kasara a nyɛrɛta sɛnbɛ-makilannɛ la. Hali anu mirinɛ ko anu natankanɛ a kilɛ fɛ. Yili-latɛgɛ sa anu bolo ko anu si kisi.

Yobu 28:23

Alla kelen pe le ya a tina lɔn. Ale le kelen pe ya a lɔn a si yen kan min.

Yobu 36:5

Alla makawara kɔnɔ mɔgɔ-wo-mɔgɔ ma gbo a ye. Ko-wo-ko sa nyɔ a ma min lɔn.

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yobu 38:36

Yon si a fɔ kulangbɛ ye ko Nayɛli bɛ si lɛɛ yamatogon wati kɛ le ma? Yon si a fɔ dondɔn ye ko bandɛ natoe le kaka?

Yobu 38:37

Yon si ke banda-finyɛnu yatɛ danna ata lɔnnɛ fɛ? Yon si ke wonu dɛ bɔla banda-yi kɔrɔ

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yobu 41:2

I si ke dɛɛn dunna a sunyɛ la, ni wo ma, ka lunyɛ bila a gban rɔ, wa?

Yobu 6:10

Ni n suira a ma ko i ye n fagala le, n si yagasa dɔn hali mabɛ dumɛ kɛ ye a nyɔgɔn na. N ya a lɔn ko ha bi, n ma ile Alla-sɛnimala tɔn tinya tele-kelen-bɛrɛni!

Yobu 9:19

N si n taya ka Alla fɔrɔsɛ le, wa? Ni n ya Alla kiti, yon si a kele?

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 136:5

A ya san-kole ladan ata hɛnkilimayɛ le la. Ala keninteyɛ dan sa.

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Bɔ-Koe-Iyipiti 9:7

Mansɛ ya mɔgɛ donu sɔ ka ta Isirɛla mɔgɛnuta kolo-fannu mafɛlɛn, ni min mara wonutɛ la. Kɔnɔ anu ya a yen hali wonutɛ kelen ma faga. Hali wo, ale mansɛ ya a yisi gbɛlɛya. A ma sɔn mɔgɛ wonu boloka-koe ma. (6) Sumunɛ Sigi-Koe Mɔgɛnu Ma

Hɛnkilimaya-Kumɛnu 28:14

Mɔgɛ min bi tola Mari gbiliyala, wo tigi si sewa. Kɔnɔ min bi tola a yisi gbɛlɛyala, wo tigi si tinya pɔ!

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Yɛrɛmaya 50:24

Mari ko Babilɔn kɛnu bara ale Mari kɛlɛ. Kɔnɔ Mari si na yili min nasigi anu ye, anu bi nala birala wo le la, hali anu sa nala taranna a kalama.

Daniyɛli 2:20

“Hɛnkili-tigi anubɛ fanka-tigi le ale Alla la. Woletɔ n si ale tanto burubukai!

Nehami 1:3

Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Ɛfɛsa 1:19

Wo ni ata sɛnbɛ-waranɛ lɔn min bi wɔlila male dɛnkɛninya-mɔgɛnu tɔ. Sɛnbɛ wo min bi male rɔ,

Ɛfɛsa 1:8

a ya min nabon ma kuma, kɔni. A ara ban a latɛgɛla Yisa Kirasiti baraka rɔ ata hɛnkili anubɛ ata lɔnnɛ fɛ ko a ni a nyɛrɛta gbundu-koe labɔ gbɛ rɔ ma ye.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.