Yobu 9:24 - ALLALA KUMƐ

²⁴ Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

Yobu 9:24 ပူးပေါင်းရင်းမြစ်များ

2 Samuwɛli 15:30

Mansa Dawuda dimatoe ya Ɔlifi kɔnkɛ yɛlɛ. A salɛ yamatogonnɛ, ado a tonta-rakolɔn ye tagamana ka a yira ko a yisi tinyanɛ. Minnu damasi bilara a fɛ, wo dama kunyɛ yamatogonnɛ wo nya na le.

2 Samuwɛli 19:4

Mansɛ ya a kolonkɛ dogon. A ya a karɛ sa-a-rɔ di-kɛ-tinɛ. A ko, “E, nna dan. Nna den Abasalɔm. E, nna den Abasalɔm.”

Ɛsita 6:12

Heman ban kɛ mala, Mɔdekɛyai sɛgira a gbɛ rɔ bolon-don-dɛ la. Kɔnɔ Heman kun-nayiginɛ burimatoe sɛgira a warɛ bɔn la yisi-magboyɛ anubɛ miliyɛ la a bolo.

Ɛsita 7:8

Ɛsita sanɛ sigi-fen-yan kuma kan min anuna fen dɔn tinɛ, ale Heman tara a sa a kian kuma nyɔ a madiya tinɛ. Mansɛ don bɔn la, a ya Heman sanɛ taran ala musi Ɛsita kian kuma. Mansɛ ya a fɔ a kulu-mayɛlɛnɛ la ko, “Wo ni wo yɛ lana, a sɔgɛ ye kei kɛ la ka a sa nna musi fɛ n nyɛrɛta bɔn la n yala?” Mansɛ ban wo fɔla, a makandannɛnu ya ale Heman yɛ lakiri ka a yira ko aletɛ ara ban.

Yobu 10:3

I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 12:17

A si kun-tiginuna hɛnkilimayɛ bi anu bolo. A si a ma, kiti-tɛgɛlɛnu ni to kun-takolonya-koenu nadanna.

Yobu 16:11

Alla ara n don ko-yogoma-kɛlɛnu bolo. A ara n don karagbɛlɛnu bolo.

Yobu 19:7

Hali n ya a fɔ ko mɔgɛnu bara ko-yogomɛ ma n na, mɔgɔ ti a tole masɔ n na. Hali n ba keleli-kɛ dɛnbɛnɛla ko la, n ti yo sɔrɔn.

Yobu 22:8

I ya nyamanɛ kɛ bi i sɛnbɛ anubɛ ila sɔ tinɛ la.

Yobu 24:12

Mɔgɔ-tanbannɛnu bi anu kan nabɔla Alla ma soe burɔ kɔnɔ hali wo, Alla ti anu denkun. Fen-tiginu bi min sigila bolo-kolɔnnu ma, Allala ko sa wo rɔ.

Yobu 24:25

Mɔgɔ do si ke a fɔla ko foninyɛ le kɛ la, wa? Mɔgɔ do si ke a fɔla ko nna kumɛ kɛ kolo sa a rɔ, wa?

Yobu 32:2

Kɔnɔ mɔgɛ do ye nyɔ nun min tɔgɛ Ɛlihu. A tole masɔnɛ anu na. A ma ke a yisi birala tun bawo a ye a yenna ko Yobu ye a nyɛrɛ latelenna ka a tɛgɛ sigi Alla ma. Rama bɔnsɔn-mɔgɛ do le Ɛlihu kɛ la. A benba tɔgɛ le Busi. A fa tɔgɛ le Barakɛli.

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Yɛrɛmaya 14:4

Dugi bɛɛ ra si farafara bandɛ lanabɛlitayɛ bolo. Sɛni-salɛ bɛɛsi yisi ara tinya pɔ! Anu bi anu yakɔrɛ dogonna miliyɛ bolo.

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”