Yobu 9:12 - ALLALA KUMƐ

¹² Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yobu 9:12 ပူးပေါင်းရင်းမြစ်များ

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yobu 10:7

I ya a lɔn serr, ko fɛɛ-wo-fɛɛ sa n na. I ya a lɔn ko mɔgɔ-wo-mɔgɔ ti ke n bɔla ila sɛnbɛ kɔrɔ.

Yobu 11:10

Ni Alla ya i ladon yele la, a tenbi i kitila, yon si a lakala?

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yobu 33:13

Nfenna ile ye a fɔla ko Alla ti hadama-danta yasere-masɛ lamɔɛn?

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Makawandili Kumɛnu 8:4

Ale letan ala sɛnbɛ la. Yon si a nyinika?

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Yɛrɛmaya 18:6

ale Mari ti wo sufa ma wole, Isirɛla kebilɛnu na, wa? A ko wo mani de iko sinda-bɔnkɛ tenbi daga-sɔlɛ bolo tɔ.

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Matiyu 11:26

Ɔnde, n Fa, ado wo bɛɛ ara i wasa ka a ma wo nya.

Matiyu 20:15

ado nta wodi le kɛ la, a ma bɛn, wa, n ni n diyana-koe kɛ wo la? I ye keliyɛ kɛla nna foninsereyɛla ko la nfenna?’ ”

Romu 11:34

Iko a sɛbɛnɛ Allala kitabu rɔ nya min ko, “Yon ya Mari miriya lɔn? Yon si ke a makawandila?

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.