Yobu 8:3 - ALLALA KUMƐ

³ Koe min telennɛ, Alla ti wo radu mumɛ! Koe min bɛnnɛ, fɔ Alla Sɛnbɛ-Bɛɛ-Tigi wa wo ma le serr!

Yobu 8:3 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Yobu 10:3

I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 19:6

Wo ma a lɔn ko Alla gbɛ le kɛ la, wa? Wo le wara yili lasigi ka n bira.

Yobu 19:7

Hali n ya a fɔ ko mɔgɛnu bara ko-yogomɛ ma n na, mɔgɔ ti a tole masɔ n na. Hali n ba keleli-kɛ dɛnbɛnɛla ko la, n ti yo sɔrɔn.

Yobu 21:15

Yon bi Alla Sɛnbɛ-Bɛɛ-Tigi kɛ la, ma ni min sako kɛ? Alla-madiya-koe si nfen nyinya ma ma?”

Yobu 21:20

A bɛnta, hakɛ-tiginu ni tɔrɔ anu hakɛ kɛnuna ko la. Fɔ anu nyɛrɛ ni Alla Sɛnbɛ-Bɛɛ-Tigita fondo-bɔɛ rayen.

Yobu 34:5

Ale Yobu ya a fɔ ka a gbɛ feu, a ko fɛɛ sa ale la. Ale le ya a fɔ fanan ko Alla sa ko-telenni kɛla a ye.

Yobu 35:13

Anu di-kɛ-kunya sa nyɔ bawo Alla Sɛnbɛ-Bɛɛ-Tigi ti anu mafɛlɛn hali ka anu kan lamɔɛn.

Yobu 36:23

Yon si ke kilɛ sala Alla kɔrɔ? Yon si ke a fɔla Alla ye ko a ara ko-yogomɛ ma?

Yobu 36:3

N si hɛnkili-siyaman nabɔ ka a yira wo la ko Alla min ya n dan, wo telenni de!

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yobu 4:17

Kuman-kan wo ko, “Ka a fɔ mɔgɛ si telen Alla yala, wo si ke mala le, wa?” A ko, “Mɔgɔ si to, fɛɛ sa a la a Dannɛ yala?

Yobu 40:8

I ye a fɔla ko nna koenu ma telen, wa? A sɔgɛ ye i la, ile ni yo sɔrɔn nde ma?

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Isikiyɛli 18:25

“Isirɛla mɔgɛnu kɛnɛna a fɔla ko, ‘Mari sa ko-telennɛ kun na.’ Kɔnɔ Isirɛla mɔgɛnu ni anu tole masɔ n na. Anu miri ko n bi koenu nadanna nya min, wo ma kin, nyɛ? Anu denuta kilɛ ma telen.

Isikiyɛli 33:17

“Ado nfan, ila mɔgɛnu bi a fɔla ko nde ye min kun na, wo ma telen, nyɛ? Kɔnɔ anu denu denuta kila ma telen.

Isikiyɛli 33:20

Kɔnɔ wole Isirɛla mɔgɛnu bi a fɔla ko n sa ko-telenni kun na. N bi wo kitila ka a tɛgɛ wo ara minnu ma gbɛ!”

Daniyɛli 9:14

Ile, mata Mari Alla, i ya i rabɛn ma tɔrɔ kan ma, ado i ya a ma le, yɔ! I ya wo ma bawo i ya ko-wo-ko ma, wo telennɛ le tede! Kɔnɔ hali wo, ma ma ma tole masɔ i la.

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 16:7

Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”