Yobu 8:13 - ALLALA KUMƐ

¹³ Alla-lɔnbɛlɛnu mani de iko sɔnfɔn-mafɔsɔnɛ wo bawo anu bara nyina Alla ko min kɛ, woletɔ yigi sa anu bolo tun!

Yobu 8:13 ပူးပေါင်းရင်းမြစ်များ

Yobu 11:20

Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.

Yobu 13:16

Ni n ya n kerinteya kɛ fɔla, tumado wo si a ma, n ni kisi bawo karagbɛlɛ-wo-karagbɛlɛ ti sisi sɔla Alla yakɔrɔ.

Yobu 15:34

Alla-lɔnbɛlɛ wonu ti anu nyɔgɔn to anuta kebilɛ rɔ. Tɛ si kensuntela bɔn mintan bawo a ya bɔn wo sɔrɔn kensunteyɛ le la.

Yobu 18:14

Sayɛ si a songban ala bɔn la a lakanannɛ kan min. Mɔgɛnu si ta a la mɔgɔ-faganɛnuna mansɛ warɛ.

Yobu 20:5

ado wati-kundu-ni de karagbɛlɛta sewɛ la.

Yobu 36:13

Mɔgɛ minna ko sa Alla wara-koe rɔ, wonu bi tola yisi-magboyɛ le kun na. Hali anu ba tɔrɔyɛ sɔrɔn, anu ti Alla madiya.

Yobu 8:12

Ni yi gbalata tumɛ min, sɔnfɔn fɔlɔfɔlɔn ma si fɔsɔ. Yanni a ni koloya, a yanbɛ ara ban gbalala.

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 112:10

Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Hɛnkilimaya-Kumɛnu 10:28

Yigi min bi mɔgɔ-telennɛnu ma, wo le nyagalan la kɔnɔ yigi sa karagbɛlɛnu ma muk!

Hɛnkilimaya-Kumɛnu 11:7

Mɔgɔ-yogomɛ wa faga, a yigi si tinya. Mɔgɔ-yogomɛ ye fan min nyinina duninya rɔ, fenfen ma wo la. Wo tinyani de!

Hɛnkilimaya-Kumɛnu 12:7

Mɔgɔ yogela ban-bole si a ma, a ti a nyɔgɔn to tun kɔnɔ mɔgɔ-latelennɛ tɔgɔ ti tunu.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Nimisa Koe 3:18

N ya a lɔn nun ko Mari si a ma, n ni faga tiriya! N niyi ma ara dɔgɔya n fɛrɛ rɔ.

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:19

“Wo kana wota Mari Alla boloka ka wo madu bɛsɛnu kɔrɔ. N bi wo makawandila bi bɛrɛkɛ, ni wo ya wo ma, wo si kasara, yɔ! Sika mumɛ sa wo rɔ!