Yobu 7:21 - ALLALA KUMƐ

²¹ Ha bi, i ti n hakɛ makoto? I ti i muin nna fɛɛnu ma? A ti mɛ tun, n si taran nna kanbɛ rɔ. Ni i ya n nyini, i ti n yen.

Yobu 7:21 ပူးပေါင်းရင်းမြစ်များ

2 Samuwɛli 24:10

Mansa Dawuda ban mɔgɛnu danna, a yisi ma kima tun. A ya a fɔ Mari ye ko, “N bara min ma kɛ la, n bara hakɛ-wɛ le kɛ kɛ la ka bila ile Mari le la wo la. I yandi, Mari, n makoto. N bara kun-takolonya-koe le ladan kɛ la.”

Yobu 10:14

I ye n nakɔrɔsila ka a lɔn ni n si hakɛ kɛ le alako i ni i ban n makoto-koe ma.

Yobu 10:9

I miri de! I ya bɔnkɛ le bi ka nde dan. I ye nala n nunkula le tun iko gbangban?

Yobu 13:19

Yon si n sɔsɔ kɛ ma? Ni n yo sa a rɔ, n si n fara n fɛɛ kɛ la ka faga.

Yobu 14:10

Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!

Yobu 17:14

Kanbɛ si ma n fa la. Tunbi minnu bi n furi dɔnna kanbɛ rɔ, wonu si ma n na anubɛ n tirisan-musi la.

Yobu 20:8

A si tunu yen, iko kiyo. A ti yen tun!

Yobu 27:19

Lunyɛ do, anu fen-tigi le tala anu sala kinɔgɔ rɔ kɔnɔ anu si kunden bolo-kolonyɛ la anu bolo.

Yobu 3:13

Ni n dennɛ le fagara nun, n bi n fanbolo nun kaka. N bi n sulen tinɛ le gbɛ!

Yobu 33:9

i ko i yilikini ma, ado i ma ko-yogoma wo ko-yogoma ma. I ko fɛɛ sa i la, ado i ma hakɛ kɛ.

Yobu 7:8

N yen-dan le i bolo kɛ la kɔɛ! Wo rɔ, ni i ya n nyini kɛ kɔma, i ti n yen.

Yobu 8:1

Ha bi, i ma ban bɛ ila kuma-pɔrɔtɔ-paratɛ wo la? I darɔ-kumɛ manɛ fɔn gbansan la.

Yobu 9:28

nna tɔrɔyɛ si sɛgi n ma tun ka n yakɔrɔ-mamɔ. N bara a lɔn serr, ko Alla le wara n yiliki.

Yaburi 103:15

Hadama-den-niyi manɛ iko binyɛ. Ma si koloya ka kinya iko bin-fere.

Yaburi 37:36

Kɔnɔ lunyɛ do, n bɔra nyɔ-kilɛ la kɔnɔ a sa nyɔ. N ya a nyini furr, kɔnɔ n ma a yen.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

1 Yɔni 3:5

Iko wo ya a lɔn nya min, Kirasiti bɔra gbɛ rɔ alako a ni ma hakɛ bɔ ma ma, ado ale nyɛrɛ ma hakɛ kɛ mumɛ!