Yobu 7:20 - ALLALA KUMƐ

²⁰ E, hadama-den-mafɛlɛnnɛ, n hakɛ ara nfen ko-yogoma ma i la? Nfenna i wara n ma ila kalabɛn mafɛlɛn tinɛ la? Nna dunɛ le wara i kan rakun, wa?

Yobu 7:20 ပူးပေါင်းရင်းမြစ်များ

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yobu 10:14

I ye n nakɔrɔsila ka a lɔn ni n si hakɛ kɛ le alako i ni i ban n makoto-koe ma.

Yobu 10:2

E, Alla, i yandi, i kana n kunyɛ don gbaran rɔ. Ni n bi kiti-sufa min tɔ, wo yira n na.

Yobu 10:6

Ni wo ma, nfenna i ye hakɛ bɛɛ fɛɛ nyinina n kan ma? Nfenna i ye a fɛ ka fɛɛ nyini n na?

Yobu 13:26

I wara ko-kunayanɛnu sɛbɛ n kan ma. Hali n dennɛ ya koe minnu ma, i ye n tɔrɔla wonuna ko la.

Yobu 14:16

I kolonkɛ bɛnnɛ si to n ma kɔnɔ i sa n hakɛnu nakɔrɔsila.

Yobu 22:5

A ye wo mala bawo i ya hakɛ-siyaman kɛ! Dan sa ila hakɛnu na!

Yobu 3:24

Fɔ ka to yɛlɛla a ma fekufeku, nta dɔn-fan ye wo le dɔrɔn na. Fɔ kurɔn, wo le mara nta min-kɛ-yi la.

Yobu 31:33

Mɔgɛ donu si anu hakɛ dogon kɔnɔ ha bi, nde ma ntɛ dogon bɛ.

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yobu 33:9

i ko i yilikini ma, ado i ma ko-yogoma wo ko-yogoma ma. I ko fɛɛ sa i la, ado i ma hakɛ kɛ.

Yobu 35:3

I ye a fɔla Alla ye ko, “Nfenna nta hakɛ ye n tɔrɔla?” I ye a fɔla tun ko ni ile ya i fara hakɛ la, tɔnɔ-nyamintan bi wo rɔ ile ye.

Yobu 35:6

A fɔra i ye le ko ni i ya hakɛ kɛ, wo si a gba sa Alla ma? Hali i ya hakɛ lawara, wo ti Alla yakɔrɔ-mamɔ mumɛ!

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yaburi 21:12

A si a ma, ala kɛlɛ-dannu ni kalabɛn lakɛ anu ma. Wo si a ma, anu ni anu buri anu kɔrɔ.

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Yaburi 80:4

E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

Nimisa Koe 3:12

A ya ala kalabɛn rasagan n kan ma ka n ma ala kalabɛn-mafɛlɛn-tinɛ la.