Yobu 7:2 - ALLALA KUMƐ

² A manɛ fanan iko yɔɔn min bi nini nyinɛ la a si a sulen kan min. A mani de iko wɔli-kɛlɛ min hɔnnɛ a sara-koe la.

Yobu 7:2 ပူးပေါင်းရင်းမြစ်များ

Ko-Dabirɛnu 34:8

Kɔnɔ Mansa Hemori ya a fɔ Yakoba ye ko, “Wola dunmusi-sɔgɛ ye nna den Sɛkɛm la. N bi wo madiyala alako wo ni a di a ma.

Yobu 7:1

Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yobu 7:3

Nba, ka a bi karɛ kɛ ma ka a sigi karɛ doi la, n ma n beli-kunya fenfen yen. Su-wo-su, n sa fenfen tayenna fɔ mɔnɛ.

Yaburi 119:131

Ila tɔnnu-sɔgɛ ya n bira kosɛbɛ, fɔ n tora n niyi lafɛla iko wuli.

Yaburi 143:6

N bi n bole sigila i ye ka i madiya bawo i sɔgɛ ara n tabɔ kosɛbɛ, iko yi-sɔgɛ si dugu-ragbalanɛ bira nya min!

Yɛrɛmaya 6:4

Mansɛ wonu si a fɔ ko, “Wo ni wo rabɛn Yerusalɛm kɛlɛ-koe ma. Ma si anu kɛlɛ-tele latelan.” Kɔnɔ wo wati wa ke, anu si a fɔ ko, “Tele ara ban tala. Ninɛ ara don.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Yona 4:6

Wo kɔma, Mari Alla ya kɔlɔma-yanba-kun-pinpilamɛ do lafɛrɛn Nɛbi Yona kuma nyɔ tiriya alako tele kana a tɔrɔ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 24:15

A wa telen wɔlila gbɛn, yanni tele-kolo-wulan ma, a ni a sarɛ sɔrɔn bawo a makoe ye sarɛ wo la. Ni a ma a sarɛ sɔrɔn a tumɛ rɔ, a si wɔli-tigi wo yasere-masa Mari ye. Hakɛ le wo la wɔli-tigi bolo.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!