Yobu 7:1 - ALLALA KUMƐ

¹ Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yobu 7:1 ပူးပေါင်းရင်းမြစ်များ

Yobu 10:17

Wati-wo-wati, sereya-kurɛ ye i bolo n kan ma. I fonde ye tola bɔla dɛɛ! I ye tola n kɛlɛla dɛɛ!

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yobu 7:2

A manɛ fanan iko yɔɔn min bi nini nyinɛ la a si a sulen kan min. A mani de iko wɔli-kɛlɛ min hɔnnɛ a sara-koe la.

Yaburi 39:4

“Mari, n si to n niyi la ha wati nyamintan gbɛ? N bi fagala min tuma? N niyi ye bɔla wati min, wo fɔ n ye.”

Makawandili Kumɛnu 8:8

Ni mɔgɛ si ke tɔn sigila fɔnyɔ ma, nba mani, mɔgɛ si ke sayɛ masɛgila a nyɛrɛ la. Kɛlɛ do le wo la mɔgɔ ti ke a burila min kɔrɔ, ado wunduyogoya sa nyɔ min si mɔgɔ-kunyɛ bɔ sayɛ wo rɔ.

Aiseya 16:14

Mari ara a fɔ kaka tun ko, “San fila a sawa nyɔgɛ, Mohabu kɛnuna nɔnfuli si ban anu bolo feufeu! Mɔgɔ-dande le si to a niyi la, ado wonu fanan ta si faga kuluba!”

Aiseya 21:16

Wo kɔma, Mari ya a fɔ n ye tun ko yanni san kɛ ni tenbi, Kedari kɛ minnu makawanɛ, wonu wara-koe si ka-a-la.

Aiseya 38:5

“Sɛgi i kɔma Mansa Hɛsakaya wara. I wa ke, i ni a fɔ a ye ko nde, a benba Dawudata Mari Alla ko n bara ata madiyali-kan lamɔɛn ka a ya-yi yen. N si a ma, a ni san tan-ni-loli bɔ tun.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Saraka-Masɔlɛnuta Tɔnnu 25:50

A wa fen sɔrɔn, a si a gbɛrɛn a tigi wo ma ka kuma a la. Anu mɔgɔ filɛ si sigi ka san dan ka a dabira a ya a nyɛrɛ sigi tulumɛ la san min na ha ka a sigi Mɔgɔ-Halala-Fan-Lasɛgi-San ma. Wo kɔma, anu si san kelen-kelan wo dɛ fɔ iko wɔli-kɛlɛ bɛnta ka min nyɔgɔn sɔrɔn-san kelen kɔrɔ.