Yobu 6:27 - ALLALA KUMƐ

²⁷ Wole si kelenni-kun-kundi dɛ fɔ le ka a mayira. Wo si wo diyana-mɔgɛ mayira alako wo ni tɔnɔ-belebele sɔrɔn wo rɔ.

Yobu 6:27 ပူးပေါင်းရင်းမြစ်များ

Yobu 22:9

I ya i ban kɛɛ-musinu dɛnbɛn-koe ma. Wo kɔma, i ya kelennɛnu kankan ka anu bira boloko-yogomɛ-kɛ.

Yobu 24:3

Anu bi kelennɛnuna sofɛlɛnu bila anu bolo. Anu bi kɛɛ-musinuna sara-ninki bila anu bolo fɔrɔsɛ la ko fɔ anu ba ban anuna yili-kɔrɛ sarala.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Yobu 29:12

bawo bolo-kolɔnnu bi tɔrɔyɛ rɔ tumɛ min, n bi anu dɛnbɛna. N bi kelennɛnu dɛnbɛna minnu dɛnbɛna-gbɛrɛkɛ sa.

Yobu 31:17

N tenbi n de-nyinina, ha bi, n ma kelennɛnu bɛn dɔn-fan rɔ.

Yobu 31:21

Ni n bara kelennɛ kensunya tele-kelen-bɛrɛni, hali n si min nɔ kiti rɔ,

Yaburi 57:6

N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Yaburi 7:15

Kɔnɔ anu bi gbɛrɛ min nasigila mɔgɛnu ye, anu denu denu bi birala wo la.

Yaburi 82:3

Wo ni kelennɛnu anubɛ bolo-kolɔnnu yoe ma anu yoe la. Wo ni ko-latelennɛ ma fugarɛnu anubɛ mɔgɔ-yigi-tɛgɛnɛnu ye.

Bɔ-Koe-Iyipiti 22:21

“Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Yɛrɛmaya 18:20

A ma kin, mɔgɛ ni ko-nyimɛ yili sara ko-yogomɛ la. Anu bara ban denkɛ sinna n kɔrɔ n faga-koe la. Mari, i miri. Nde le sɔra i yakɔrɔ nun. N ya i madiya alako i ni ko-nyimɛ kɛ mɔgɛ kɛnu ye. N ya i madiya alako i fonde kana bɔ anu kuma.

Yɛrɛmaya 18:22

A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Yowɛli 3:3

Mari ko anu bara korɔn lakɛ mɔgɔ-biranɛ wonuna ko la iko siyaman, ni min si to min ye. Anu ya Isirɛla den-keinu fɛlɛn alako anu ni yɛlannu-sarɛ sɔrɔn. Anu ya Isirɛla sunkurɔnnu ma baan-sɔnkɛ la.

Nehami 3:10

Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!