Yobu 6:15 - ALLALA KUMƐ

¹⁵ Kɔnɔ wole n na-kelen-nyɔgɛnu, wo ara a gbɛ n ye feu, ko n ti la wo la bawo wo mani de iko banda wa tɛgɛ, yi min bi gbalala.

Yobu 6:15 ပူးပေါင်းရင်းမြစ်များ

Yobu 11:16

Tɔrɔyɛ min bɛɛsi ye i ma, i si i sɔrɔn wonu na. Ila tɔrɔyɛ wo si ma iko yi min bi tenbila suyi rɔ.

Yobu 13:4

Wo ye tɔgɛ sala n na. Wo damasi mani de iko bɛsi-bɔlɛ min ti ke mɔgɔ lakɛndɛyala.

Yobu 14:11

Iko bɛ si gbala a worɔn la nya min iko dalɛ si gbala a gbɛ rɔ nya min,

Yobu 19:13

Alla ara a ma, n na-kelen-nyɔgɛ bɛɛ ara a kan-kɔ sɔ n na. Min ya n lɔn kɔrɔma la, nde ara ma sundan la wonu yala.

Yobu 19:19

N diyana-mɔgɔ-bɛrɛbɛrɛnu bara anu dɛ bogoya n ma. Hali minnu di n ye kosɛbɛ, wonu bara anu kan-kɔ sɔ n na.

Yobu 6:16

Samɛ rɔ, bɛnu si fa pen!

Yaburi 38:11

N diyana-mɔgɔ-bɛrɛnu anubɛ n sigi-nyɔgɛnu sa anu gbɛrɛnna n ma ka a tɛgɛ nna tɛlɛnuna ko ma. Hali n na-kelen-nyɔgɔ-bɛrɛnu, anu sa anu gbɛrɛnna n ma.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yaburi 88:18

I wara a ma, n keninte-bɛrɛbɛrɛnu bara anu masɛgi n na. N kirabɔ-nyɔgɔn sa pinpi kɔma.

Hɛnkilimaya-Kumɛnu 25:19

Ka la mɔgɔ-lanayabɛlɛ la yakɔrɔ-mamɔɛ rɔ, wo mani de iko mɔgɛ min bi fen dɔnna a nyin-yɔgɔ-yɔgɔnɛ la. A mani de fanan iko mɔgɛ tenbi a tonkanna a kin-namara la.

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Yɛrɛmaya 15:18

Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 16:32

Wati ye nala, ado a ara ke, wo dama si nyɛnsɛn. Bɛɛ si ta a warɛ. N kelen pe si to. Kɔnɔ n kelen ma de bawo n Fa Alla ye n fɛ.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!