Yobu 5:8 - ALLALA KUMƐ

⁸ Ni nde le ile Yobu la, n si n ya-lamunun Alla la ka nna kɔndɔfili kɛ bɛɛ yira a la.

Yobu 5:8 ပူးပေါင်းရင်းမြစ်များ

Yobu 11:13

Nba Yobu, ni i ya i nyɛrɛ latenbi Alla ma ka i bole rasagan Alla ye,

Yobu 13:2

N ya ko lɔn iko wole. Wo ma tenbi n na kan-bo-kan.

Yobu 13:3

Kuma sa malebɛ wole tɛma. A ye mabɛ Alla Sɛnbɛ-Bɛɛ-Tigi le tɛma, ado n bi nna kiti lawulila mabɛ Alla tɛma.

Yobu 22:21

Nba, Yobu, kaka gbɛ, i ni kɛlɛ-nyɔgɔnyɛ ban wobɛ Alla tɛma. Ni i ya wo ma, a si duwa i ye worɔ.

Yobu 22:27

I wa a madiya tumɛ min, a si a wɔlɔ matɔlɔ i la. I wara lanyiri minnu kiri wobɛ Alla tɛma, i si wonu natɔnbagaya.

Yobu 8:5

Nba, min fisa, i ya-lamunun Alla Sɛnbɛ-Bɛɛ-Tigi la. I ni a madiya.

Yaburi 37:5

I nyɛrɛ latenbi Mari ma. Ni i lara ale la, a si i dɛnbɛ de!

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.