Yobu 5:7 - ALLALA KUMƐ

⁷ Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yobu 5:7 ပူးပေါင်းရင်းမြစ်များ

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 7:1

Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yaburi 90:10

Ma siyi si san bi-wɔrɔnfila le bɔ dɔrɔn. Ni ma kɔgɔra, ma si san bi-segin bɔ. Kɔnɔ hali ma ye ma diya wati min, yakɔrɔ-mamɔɛ ye ma kuma tolon, ado ma siyi ti mɛ banna.

Makawandili Kumɛnu 1:8

Dan sa a la. Dɛ ti ban kumala. Yɛ ti wasa ko mafɛlan la. Tolo-bɛrɛn ti bandan kuma-lamɔɛn la.

Makawandili Kumɛnu 2:22

I ni wɔli i siyi-tele-bɛɛ kɔrɔ ka tɔrɔyɛ bɛɛ duni, i si tɔnɔ-nyamintan sɔrɔn wo la?

Makawandili Kumɛnu 2:23

Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Yɛrɛmaya 20:18

Nfenna n sɔrɔnta worɔ ka to tɔrɔyɛ anubɛ nimisɛ rɔ tolon? N bi n siyi banna miliyɛ le tɔ.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.