Yobu 5:5 - ALLALA KUMƐ

⁵ Kɔnkɔtoenu si kun-takolɔn wola sɛnita-fannu kankan ka a dɔn, hali min bi wɔnɛnu tɛma. Mɔgɛnu sokesoke si to ala nɔnfulila ko la iko mɔgɔ kan-nagbalanɛ sokesoke si to yila ko la nya min.

Yobu 5:5 ပူးပေါင်းရင်းမြစ်များ

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Yobu 1:15

Sabiyanu nara bui ma ma ka ta kolo-fan wonu na. Anu ya ila wɔli-kɛlɛ dama faga tɛrr, fɔ nde min kelan kunyɛ bɔra a rɔ!”

Yobu 1:17

Yanni wo ni a kuman-kan wo laban, kilayɛ do burumatoe nara a fɔ ale Yobu ye tun ko, “Kaladiya bumali-kɛlɛ kurun sawa nara bui ma ma. Anu tara ila nyomɛ bɛɛ la ka ila wɔli-kɛlɛ dama faga tɛrr, fɔ nde min kelan kunyɛ bɔra a rɔ!”

Yobu 12:6

Kankan anubɛ Alla-lɔnbɛlɛnu bi yisi-kimɛ rɔ. Anu sɛnbɛ le anuta alla la.

Yobu 2:3

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma. Hali i nɔrɔta n ma Yobu kasara-koe la, n ma a tɔrɔ-kunya yen i bolo kɔnɔ hali wo, a telennɛ n ye iko a ye nya min nun fɔlɔ.”

Yobu 20:15

Karagbɛlɛ ye fan min bɛɛ kankanna, a si wo lateseri. A ya min bɛɛ kankan mɔgɛ bolo, Alla si wo bɛɛ bɔ a bolo, hali min bi a burɔ.

Yobu 20:22

Ala nɔnfuli wa wara tumɛ min, ala nɔnfulu-tigiyɛ si yɛlɛman mɔnɛ la ha a ni a digin dugi la.

Yobu 22:10

Wo le ya a to, gbɛrɛ lasiginɛ ila foolɛ bɛɛ rɔ, ado gbalo si i kumakɔ!

Yaburi 109:11

Minnuna yili ye a la, alamɛ wonu nara bui a ma ka a bolo-fannu toronde a la. A ye fan min bɛɛ nyinina a siyi-tele-bɛɛ kɔrɔ, alamɛ sundannu ya wonu toronde a la.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Nimisa Koe 2:16

I yoge bɛɛ ye i mayɛlɛnna. Anu bi i lafɛyala ka i rasɛ. Anu bi a fɔla ko, “Male le ya a kasara. Nba, ma ara mɛ tele min makɔnɔna, wo le kɛ la, yɔ!”

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:51

Anu si wola kolo-fannu anubɛ wola sɛnita-fannu bi wo bolo. Kɔnkɛ si wo faga. Wola fui-fen wo, wola ki-fen wo, wola kolo-fen wo, anu si wo bɛɛ bi wo bolo. Wo ye fagala wo nya na le.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.