Yobu 5:2 - ALLALA KUMƐ

² Sɔgɔ-labɔɛ le si kun-takolɔn faga. Keliya-diminyɛ si a ma, mɔgɛ ni faga iko yuwɛ.

Yobu 5:2 ပူးပေါင်းရင်းမြစ်များ

Ko-Dabirɛnu 30:1

Resɛli ya a yen tumɛ min ko a ma dan sɔrɔn Yakoba ye, a ya a kɔrɔ-musi Liya makeliya. A ya a fɔ Yakoba ye ko, “Ni n ma dan sɔrɔn i ye, n bi fagala le.”

Ko-Dabirɛnu 38:9

Kɔnɔ Onan wo ya a lɔn ko anubɛ musi wo wa dɛn, anu bi dan minnu sɔrɔnna, wonu ti ma ale Onantɛ la. A wa a kɔrɔla musi latenbi a kɔma, a ti sɔn ka buyi sa a la. A ya a ban a kɔrɔ sugi to koe ma min kɛ,

Yobu 18:4

Ila yisilamayɛ si i nyɛrɛ matanban-tanban. Ile lara a la ko ila yisilamayɛ si a ma, duninyarɔ-fan bɛɛsi ni ban, wa? Alla si kɔnkɛnu bɔ anu gbɛ rɔ alako i ni wasa, wa?

Yaburi 107:17

Donu mara kun-takolɔnnu na ka a tɛgɛ anu hakɛla ko ma. Woletɔ anu tɔrɔta anuna ko-yogomɛla ko la.

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 75:4

A ye a fɔla karagbɛlɛnu ye ko anu kana wasi,

Yaburi 92:6

Kun-takolɔn ti wo nya-yen hali! Ko-nya-yenbɛlɛ ti wo nya-yen.

Hɛnkilimaya-Kumɛnu 12:16

Kuntan si kɔrɔtɔ tiriya kɔnɔ manyini-kumɛ bɔrɔ ti taran hɛnkilimɛ ye.

Hɛnkilimaya-Kumɛnu 19:16

Ni min ya Allala tɔnnu bira, wo si simayɛ sɔrɔn kɔnɔ ni min ya a kan-kɔ sɔ tɔn wonu na, wo ti siyi labɔ.

Hɛnkilimaya-Kumɛnu 19:19

Mɔgɛ min yisi lakala, a si nanparan lana a nyɛrɛ kuma tiriya! I tenbi a bɔla nanparan do rɔ, a ye tala nanparan do ratɛgɛla tun.

Hɛnkilimaya-Kumɛnu 27:3

Kun-takolɔn ye diminyɛ min nanala mɔgɛnu kuma, wo gbili ka tenbi kuru-dunɛ anubɛ kɛnkɛn-dunɛ la.

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Makawandili Kumɛnu 7:9

I yisi kana bɔ tiriya bawo kuntan le yisi lakala.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

2 Timoti 3:6

Anu donu si don denbaya-tiginuna bɔnnu na yanfɛ la alako anu si anuna musinu mayuwaya nya min. Musi wonu ma a lɔn anu bi min kun na. Anu hakɛ ara siyaya. Anu bi anu diyana-koe kɛla tolon!