Yobu 5:13 - ALLALA KUMƐ

¹³ A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Yobu 5:13 ပူးပေါင်းရင်းမြစ်များ

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 15:34

Kɔnɔ ile ye min mala n ye, i ni sɛgi Yerusalɛm soe burɔ. I ni a fɔ Abasalɔm ye ko, i si to a fɛ iko i tora a fa fɛ nya min. Ni Ahitafɛli ya makawandili-kuma-wo-kuma fɔ, i ni a masɔsɔ.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yobu 15:5

Ila kuma-nya ara a yira n na ko i karagbɛlɛ. Kuma-fila-fɔlɛ le ile la ila kɛwuyɛ rɔ.

Yobu 37:24

Mɔgɛ bɛɛ ye kawala a ma. Ni mɔgɛ min miri ko a hɛnkili kolo, Alla ti a wɔlɔ matɔlɔ wo tigi la.

Yaburi 18:26

Min sɛninyanɛ, Mari si kun-nadiyɛ di wo tigi ma. Min karagbɛlɛ, ale si a lagbɛlɛya wo tigi kuma.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Hɛnkilimaya-Kumɛnu 3:32

bawo wunduyogenu sɔgɔ labɔnɛ Mari la lasi! Kɔnɔ a si a gbundi yira mɔgɔ-telennɛnu na.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 44:25

A ko a ara yi-kɔrɔ-fɛlɛnnɛnu ma kun-takolɔnnu na. Lole-lakɔrɔsilɛnu bi ko-natoe minnu fɔla, a ara wonu ma ko fuyi la. A ko minnu bi anu hɛnkili mayirala, a ara wonu sɔsɔ feu, woletɔ anu si a lɔn ko ko-fuyi le anuna hɛnkilimayɛ la.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Yɛrɛmaya 9:22

Mari ko n ni a fɔ wo ye ko furinu bolokanɛ ye tala iko ninki-nyɛ. Anu bolokanɛ ye tala gbɛ ma iko fui-fen-tɛgɛlɛ ye bolofɛ tola a kɔma nya min. A madɛnna fenfen ti taran.

Yilan-Yilan Koe 22:25

Sofɛlɛ ya melika yen tun tumɛ min, a tara yasɛ wara la ka Belam kian gbɛrɛn yasɛ kɔn ma nyɔ. Belam ya sofɛlɛ gbesi nyɔ tun.

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”